مینگلور: پولیس نے کیاچوری کا معاملہ حل ۔سولیا میں مسروقہ اشیاء کے ساتھ چور گرفتار
مینگلور 11؍اپریل (ایس اونیوز) قریبی علاقہ سولیا کے بیلارے پولیس نے مسروقہ اشیاء کے ساتھ چورکو گرفتار کرتے ہوئے رادھا نامی خاتون کے گھر میں ہوئی چوری کی واردات کا معاملہ حل کردیا ہے۔
بیلارے پولیس اسٹیشن میں رادھا نامی خاتون نے 6اپریل کو شکایت درج کی تھی کہ اس کے گھر سے سونے اور چاندی کے کچھ زیورات اور نقدی چوری ہوئی ہے جس کی مجموعی مالیت 24,750روپے ہے۔رادھا کا دعویٰ تھا کہ 6اپریل کو صبح 9بجے کے وقت اس کے گھر میں چوری کی گئی ہے۔پولیس نے تحقیقات کے بعدشیومورتھی عر ف شیوپّا کو گرفتار کرلیا جوکہ چترادرگہ تعلقہ کا رہنے والا ہے۔
ملزم کو بیلارے میں ہی گرفتار کیا گیااور اس کے پاس سے مسروقہ اشیاء برآمد کی گئیں۔