مینگلور میں فوٹوگرافر پر دھاردار آلات سے حملہ؛ فوٹوگرافر شدید زخمی
مینگلور 28 اکتوبر(ایس او نیوز) شہر کے فرنگی پیٹ میں واقع ایک فوٹو اسٹوڈیوں میں گھس کر نامعلوم شرپسندوں نے ایک فوٹوگرافر پر دھاردار آلات سے حملہ کرنے کی واردات بدھ کی شب کو پیش آئی ہے جس میں فوٹو گرافر شدید زخمی ہوگیا ہے۔
فوٹوگرافر کی شناخت دنیش شٹی کی حیثیت سے کی گئی ہے جو بی جے پی کا رکن بھی ہے۔ اسے فوری طور پر مینگلور کے نجی اسپتال میں داخل کیا گیا ہے۔
واقعے کی اطلاع ملتے ہی بنٹوال ڈی وائی ایس پی ویلنٹائن ڈیسوزا، سرکل پولس انسپکٹر ٹی ڈی ناگراج اور سب انسپکٹر پرسنا نے جائے وقوع پر پہنچ کر جائزہ لیا ہے۔ واردات کی دکشن کنڑا اور اُڈپی فوٹوگرافر اسوسی ایشن نےسخت مذمت کی ہے اور ڈسٹرکٹ انچارج منسٹر کوٹا سری نواس سمیت پولس کے اعلیٰ حکام سے واقعے کی چھان بین کرنے اور حملہ آوروں کو گرفتار کرنے کا مطالبہ کیا ہے۔اسوسی ایشن نے منتبہ کرایا ہے کہ حملہ آوروں کو جلد سے جلد گرفتار نہیں کیا گیا تو وہ احتجاج پر اُتریں گے۔
