بھٹکل: جانوروں کو چراکرلے جانے کے الزام میں گاڑی کو روک کر زبردست توڑپھوڑ

Source: S.O. News Service | By I.G. Bhatkali | Published on 15th November 2019, 7:26 PM | ساحلی خبریں |

بھٹکل 15/نومبر (ایس او نیوز) یہاں تعلقہ کے گورٹے میں جانوروں کو چرانے اور اِنّوا کار میں  بھر کر لے جانے  کا الزام عائد کرتے ہوئے علاقہ  کے  عوام  نے  کار  کو زبر دستی روکا ، پھر اُس میں زبردست توڑ پھوڑ کرتے ہوئے اپنی سخت ناراضگی کا اظہار کیا۔ واقعہ آج جمعہ صبح کو پیش آیا۔

الزام ہے کہ صبح قریب تین بجے  گورٹے پنچایت حدود میں  کچھ لوگ  اِنّوا کار پر جانوروں کو ڈال کر لے جارہے تھے، جس کے دوران  عوام کی ایک بڑی تعداد  نے کار کے سامنے رُکاوٹ پیدا کرتے ہوئے کار کو روکنے کی کوشش کی، مگر کار تیزی کے ساتھ آگے بڑھنے لگی، اس دوران کچھ لوگوں نے راستے میں درخت کا ایک موٹا تنا ڈال کر کار کو روکنے کی کوشش کی، جس کے دوران  درخت کا تنا  اگلے اور پچھلے دو ٹائروں کے درمیان بری طرح پھنس گیا۔ اس کے باوجود ڈرائیور    کار کو قریب  ڈیڑھ کلو میٹر تک  بھگا لے گیا۔ مقامی لوگوں کے مطابق اس کوشش میں   سڑک کنارے موجود ایک بچھڑا  کار کی زد میں آکر وہیں ہلاک ہوگیا۔ اس موقع پر کار پر سوار لوگوں کے لئے غالباً یہی بہتر لگا ہوگا کہ وہ   کار کو وہیں چھوڑ  کر بھاگ جائیں۔ لہٰذا  جیسے ہی وہ کار کو چھوڑ کر راہ فرار اختیار کی،  عوام نے کار پر دھاوا بول دیا اور زبردست توڑ پھوڑ مچائی۔

ذرائع کی مانیں تو اِنّوا  کار کے اندر    آٹھ جانورپائے گئے ۔ بتایا گیا ہے کہ کار پرنمبر پلیٹ KA-47 N-2817 دکھارہا تھا، تو  کار کے اندر دوسرا نمبر پلیٹ بھی برآمد ہوا ہے  جس کا نمبر KA19-Z 9159 ہے۔ اب پولس کو یہ پتہ لگانا ہے کہ کار کا اصلی نمبر کونسا ہے۔

گورٹے اور اطراف کے لوگوں کا کہنا ہے کہ گذشتہ دو سالوں سے  اُن کے گھر میں پالے گئے جانوروں کی  وقفے وقفے سےچوریاں ہورہی ہیں، ان کا الزام  ہے کہ  ان کے جانوروں کو چرا کر قصائی خانوں کو روانہ کیا جاتا ہے۔

فی الحال پولس نے  آٹھوں جانوروں کو اپنی تحویل میں لیا ہے۔ عوام نے کار کو توڑ پھوڑ کر پوری طرح  برباد کردیا ہے، مضافاتی پولس اس تعلق سے چھان بین کررہی ہے۔

ایک نظر اس پر بھی

بھٹکل کے عبدالباقی صدیقہ کرناٹکا لاء یونیورسٹی بنگلورو کبڈی ٹیم کے لئے منتخب : یونیورسٹی بلیو کا خطاب

بنگلورو کی شیشا دری پورم لاء کالج میں ایل ایل بی کے  تیسرے سال میں  زیر تعلیم  بھٹکل کے عبدالباقی ابن عبدالقادر جیلانی  نے کبڈی میں بہترین کھیل کا مظاہرہ پیش کرتے ہوئے صدیقہ کرناٹکا اسٹیٹ لاء یونیورسٹی(کے ایس ایل یو)  کی کبڈی ٹیم(مین) کے لئے منتخب  ہوتے ہوئے یونیورسٹی بلیو کا ...

مینگلور میں بھی بھٹکلی طالب علم کا شاندار پرفارمینس؛ تیسری بارلگاتار یونیورسٹی بلیو کا خطاب

 مینگلور کی ایس ڈی ایم لاء کالج میں زیر تعلیم  بھٹکل کا فٹ بال کھلاڑی محمد رائف گنگاولی نے اپنی کالج کی نمائندگی کرتے ہوئے پھر ایک باربہترین پرفارمینس پیش کرکے یونیورسٹی بلیو کا خطاب جیتنے میں کامیاب ہوگیا ہے جس کے ساتھ ہی وہ اب کرناٹکا اسٹیٹ لاء یونیورسٹی ہبلی کی نمائندگی ...

یلاپور ضمنی انتخاب میں بی جے پی کے شیورام ہیبار نے درج کی زبردست جیت

ضلع اُترکنڑا کے یلاپور منڈگوڈ اسمبلی حلقے سے ضمنی انتخاب میں بی جے پی کے امیدوار شیورام ہیبار نے 31,406ووٹوں کی اکثریت سے زبردست جیت درج کرتے ہوئے اپنے قریبی حریف کا نگریسی امیدوار بھیمنّا نائک کو شکست دے دی ہے۔

مینگلور کے قریب اپن انگڈی میں بیف سے بھرا کنٹینر ضبط۔، ڈرائیورگرفتار

یہاں سے قریب 55 کلو میٹر دور اپن انگڈی میں مصدقہ اطلاع کی بنیاد پر گاڑیوں کی چیکنگ کے دوران پولس نے ایک بیف سے بھرا کنٹینر ضبط کرلیا اور رضوان نامی ڈرائیور کو گرفتار کرلیا جس کے تعلق سے پولس کا کہنا ہے کہ یہ گوشت غیرقانونی طور پر لے جایا جارہا تھا۔