آرامکو میں سرمایہ کاری کے لیے لوگ اثاثے فروخت کر رہے ہیں
ریاض 8 1 نومبر (آئی این ایس انڈیا) سعودی عرب نے آج اتوار کو توانائی کے اپنے ادارے ’آرامکو‘ کے ڈیڑھ فیصد حصے کے شیئرز کی بازار حصص میں تجارت کی تفصیلات جاری کر دی ہیں۔ شیئرز کی قیمت تیس سے بتیس سعودی ریال ہو گی، جس سے نوے بلین سعودی ریال جمع ہو سکتے ہیں۔ارامکو نے آج اتوار کو کہا ہے کہ کمپنی کے ڈیڑھ فیصد حصے شیئرز فروخت کیے جائیں گے، جن کی مالیت 24/25.6 بلین ڈالر بنتی ہے۔ اس سے قبل سعودی عرب نے پانچ فیصد شیئرز فروخت کرنے کا منصوبہ بنایا تھا۔ ارامکو کے مطابق کہ شروع میں شیئرز کی قیمت تیس سے بتیس سعودی ریال کے درمیان ہو گی، جو آٹھ سے ساڑھے آٹھ امریکی ڈالر فی شیئر بنتی ہے۔ اگر بازار حصص میں ارامکو کے ڈیڑھ فیصد شیئرز تیس ریال فی شیئر کی قیمت پر بکے، تو اس سے نوے بلین سعودی ریال جمع ہو سکتے ہیں۔‘بہت ہی تاخیر سے کی جانے والی یہ پیشکش سعودی ولی عہد محمد بن سلمان کے اس منصوبے کا حصہ ہے، جس کے ذریعے وہ تیل کی تجارت پر بہت زیادہ انحصار کو کم سے کم کرنا چاہتے ہیں۔ ارامکو کا شمار دنیا کی منافع بخش ترین کمپنیوں میں ہوتا ہے۔ابتدائی طور پر ارامکو کی جانب سے دو مختلف ایکسنچ میں لسٹنگ کے اندازے لگائے گئے تھے۔ دو فیصد سعودی عرب کی تداول کہلائی جانے والی اسٹاک ایکسچینج میں جبکہ تین فیصد بیرون ملک کی اسٹاک مارکیٹ میں۔ تاہم اب اس کمپنی نے کہا ہے کہ فی الحال بین الاقوامی اسٹاک مارکیٹ میں شیئرز کی فروخت کا فوری طور پر کوئی منصوبہ نہیں ہے۔ اس پیش رفت سے یہ ظاہر ہوتا ہے کہ طویل عرصے سے جس ہدف کے بارے میں بات چیت کی جا رہی تھی وہ وقتی طور پر شاید حاصل کر لیا گیا ہے۔ارامکو کے شیئرز فروخت کرنے کی خبر پہلی مرتبہ 2016 میں سامنے آئی تھی۔ اس کے بعد سے یہ معاملہ تاخیر کا شکار ہوتا رہا۔خبر رساں اداروں کے مطابق بہت سے سعودی شہری ارامکو کے شیئرز کے کاروبار میں سرمایہ کاری کرنے کے لیے رقم ادھار لے رہے ہیں اور اپنے اثاثے فروخت کرنے کے لیے بھی تیار دکھائی دیتے ہیں۔