یلاپور میں کار کی ٹکر سے بائک کی پچھلی سیٹ پر سوار شخص کی موت
یلا پور 6/جنوری (ایس او نیوز) موٹر سائیکل اور کار کے درمیان ہوئی ٹکر میں بائک کی پچھلی سیٹ پر سوار شخص کی موقع پر ہی موت واقع ہوگئی، جبکہ بائک رائیڈر زخمی ہوگیا۔ حادثہ جمعرات شام کو دیشپانڈے نگر روڈ کراس کے قریب نیشنل ہائی وے 63 پر پیش آیا۔
مہلوک کی شناخت کلگھٹگی تعلقہ کے ملکین کوپّا کے رہائشی با شاصاب رستم صاب ملّانور (40) کی حیثیت سے کی گئی ہے۔ جو پیشہ سے مزدور تھا۔
ذرائع سے ملی اطلاع کے مطابق کار جس کی ڈرائیونگ سرینواس پٹگارکررہا تھا، کلگھٹگی سے یلاپور جارہا تھا، ایک ٹینکر کو اوورٹیک کرنے کے دوران اس کی کار مخالف سمت سے آنے والی بائک سے ٹکراگئی۔ حادثے میں موٹر سائیکل کی پچھلی سیٹ پر سوار باشا صاب کے سر پر شدید چوٹ لگنے سے اس نے موقع پر ہی دم توڑ دیا۔
کار ڈرائیور کے خلاف یلاپور پولیس اسٹیشن میں کیس درج کیا گیا ہے۔