یلاپور:8؍مارچ  (ایس اؤ نیوز)روڈ کراس کرنے والے  ایک بچے کو بچانے کی دھن میں ڈی وائی ایس پی کی سواری ایک اومنی کار کو سے ٹکرا گئی ، جس کے نتیجے میں پانچ لوگ زخمی ہوگئے۔ حادثہ  یلاپور تعلقہ کے  ارے بائیل میں  پیر کو پیش آیا۔

کاروارکے ڈی وائی ایس پی اروند کلگوجی اپنی جیپ کے ذریعے کاروار سے منڈگوڈ جارہے تھے ۔ ارے بائیل کے قریب سے گزر نے کے دوران اچانک ایک بچہ سواری کے سامنے آگیا ۔ اس بچے کو بچانے کی کوشش  میں پولس جیپ  اومنی کار سے ٹکراگئی۔ جس کےنتیجےمیں اومنی  کار پر  سوار پانچ لوگوں کو  معمولی طورپر چوٹیں آئی  ہیں۔ حادثہ میں  ڈی وائی ایس پی اروند کلگوجی کو بھی چوٹیں آئی ہیں۔ یلاپورپولس نے  جائے وقوع  پرپہنچ کر معائنہ کیا ہے۔