رواں سال حج سے قبل سیکیورٹی کے فول پروف انتظامات

Source: S.O. News Service | Published on 20th July 2020, 5:40 PM | خلیجی خبریں |

مکہ مکرمہ،20؍جولائی (ایس او نیوز؍ایجنسی) اتوار کے روز سعودی عرب میں حج کے موقعے پر سیکیورٹی کی ذمہ داریاں انجام دینے کے لیے تعینات فورسز کے کمانڈر نے حالیہ حج سیزن کی تیاریاں کو مکمل کرنے کا اعلان کیا۔ انہوں‌ نے کہا کہ حج کے موقعے پر سیکیورٹی کے فول پروف انتظامات کیے گئے ہیں اور امن و امان برقرار رکھنے کے لیے تمام ضروری تدابیر اختیار کی جائیں گی۔

انہوں نے یہ بھی انکشاف کیا کہ اس سال حج کے لیے دوسرے ممالک اور اقوام سے محدود تعداد میں حجاج کرام کو شامل کیا گیا ہے۔

سعودی عہدیدار نے کہا کہ کرونا وائرس کے پھیلاؤ کی روشنی میں عازمین کی حفاظت اور ان کی سلامتی کو یقینی بنانے کے لیے حکام کی جانب سے اٹھائے گئے ہیں۔ حسب سابق بغیر اجازت کسی شخص کو حجاج کرام کی صفوں میں شامل ہو نے کی اجازت نہیں دی جائے گی۔

طائف میں پولیس نے غیر مجاز افراد کو عازمین حج میں شامل ہونے سے روکنے کے لیے سیکیورٹی چیک پوسٹیں قائم کی ہیں۔ اس کے علاوہ حج کے موقعے پر شاہراہوں پر امن برقرار رکھنے کی ذمہ دار کمیٹی نے بھی مکہ معظمہ میں تمام سیکیورٹی مراکز کو فعال کردیا ہے۔

پاسپورٹ ڈائریکٹوریٹ کی جانب سے حج کی ہدایات کی خلاف ورزی کرنے والوں کے لیے جیل کی سزاؤں اور جرمانے عائد کرنے کی منظوری دی ہے۔ پاسپورٹ ڈاریکٹوریٹ کا کہنا ہے کہ جو کمپنیاں عازمین حج کے بغیر اجازت کے نقل و حمل کی ذمہ دار پائی گئیں تو ان سے بھی جرمامنے وصول وصول کیے جائیں گے۔

حج سکیورٹی فورسز کے کمانڈر نے اعلان کیا ہے کہ اس سیزن میں حج کیلئے کوئی مہمات یا دفاتر نہیں ہیں۔

ایک نظر اس پر بھی

ایران پر اسلحہ کے حصول پرعاید پابندیاں برقرار رکھنے کی جدوجہد جاری رکھیں گے: پومپیو

امریکی وزیر خارجہ مائیک پومپیو نے اپنے برطانوی ہم منصب ڈومینک راب کے ساتھ مشترکہ پریس کانفرنس میں کہا ہے کہ واشنگٹن ایران پر عائد اسلحہ کے پابندی کو برقرار رکھنے کے لیے اپنی کوششیں جاری رکھے گا۔ ...

کینسر کے شکار سعودی استاد کی بسترعلالت سے طلبا کی تدریس

سعودی عرب میں اپنے طلبا کو زیور علم سے آراستہ کرنے کے جذبے سے سرشار کینسر کا شکار ایک استاد کا سبق آموز اور قابل تقلید واقعہ سامنے آیا ہے جو چار ماہ سے خود اسپتال میں بستر علالت پر ہونے کے باوجود اپنی تکلیف کو بھلا کر بچوں کی تدریس کے فرائض انجام دے رہا ہے۔ ...