نیرو مودی کی ضمانت عرضی برطانیہ ہائی کورٹ سے بھی نامنظور 

Source: S.O. News Service | By Shahid Mukhtesar | Published on 12th June 2019, 9:46 PM | ملکی خبریں | عالمی خبریں |

لندن 12جون (ایس او نیوز/ آئی این ایس انڈیا) پی این پی گھوٹالہ کے اہم ملزم نیرومودی کی ضمانت عرضی بدھ کو برطانیہ ہائی کورٹ نے بھی مسترد کر دی گئی۔ جج نے کہا کہ اس بات  کی ٹھوس بنیاد ہے کہ نواسیلیسس سرینڈر نہیں کرے گا۔ جج نے یہ خدشہ بھی ظاہر کیا کہ گواہوں کو متاثر کرکے قانونی عمل میں رکاوٹ پیدا کی جاسکتی ہے۔ ہائی کورٹ سے پہلے ویسٹ منسٹر مجسٹریٹ کورٹ نے بھی یہی کہتے ہوئے نیرومودی کی عرضی 3 بار مسترد کی تھی۔ویسٹ منسٹر کورٹ سے تیسری بار درخواست مسترد ہونے کے بعد نیرومودی نے 31 مئی کو ہائی کورٹ میں عرضی لگائی تھی۔ ہائی کورٹ میں نیرومودی کی درخواست پر گزشتہ منگل (11 جون) کو سماعت ہوئی تھی۔ کورٹ نے کہا تھا کہ فیصلے کے لئے وقت چاہئے، اس لیے بدھ کی تاریخ دی۔واضح ہو کہ نیرو مودی86 دن سے لندن کی جیل میں ہے۔ 19 مارچ کو اس کی گرفتاری ہوئی تھی۔ ہائی کورٹ میں منگل کو سماعت کے دوران نیرومودی کی نے کہا تھا کہ ضمانت ملنے پر نیرومودی الیکٹرانک آلہ جات سے نگرانی رکھے جانے کے لئے تیار ہے، اس کا فون بھی ٹریک کیا جا سکے گا۔ وکیل نے کہا کہ:’نیرومودی یہاں پیسہ کمانے آیا ہے،اب تک ایسی کوئی بات سامنے نہیں آئی جس سے لگے کہ وہ بھاگ سکتا ہے۔ اس کے بیٹے بیٹی بھی یہاں تعلیم کے لئے آنے والے ہیں۔

ایک نظر اس پر بھی

ہند۔چین ثالثی کیلئے ٹرمپ کی حیرت انگیز پیشکش

امریکی صدر ڈونالڈ ٹرمپ نے ہندوستان اور چین کے مابین جاری سرحدی تنازعہ میں ثالثی کی پیش کش کرتے ہوئے گذشتہ سال پاکستان کے ساتھ تنازعہ کی یاد تازہ کردی- انہوں نے اس وقت بھی یہی پیش کش کی تھی اور کہا تھا کہ اگر ہندوستان اور پاکستان چاہیں تو وہ مسئلہ کشمیر پر ثالثی کر سکتے ہیں -

نیوزی لینڈ: زلزلہ نے وزیراعظم جیسنڈا آرڈرن کو بنایا عوامی توجہ کا مرکز

العربیہ ڈاٹ نیٹ کے مطابق انتہائی پرسکون انداز میں ٹی وی میزبان Ryan Bridge کے پروگرام Newshub AM Show کرونا سے نمٹنے سے متعلق مباحثے کے دوران زلزلے کے جھٹکے شروع ہوئے اور کیمرے میں دکھائی دینے والی چیزیں حرکت کرنے لگیں۔