بھٹکل:09؍اکتوبر(ایس اؤ نیوز)بارش کے بعد سیاحت کے لئے مرڈیشور پہنچنے والے سیاحوں کی تعداد میں اضافہ ہونے کے ساتھ ساتھ تفریح کے طورپر سمندر میں تیرنے کے دوران غرق ہونے سے لائف گارڈوں سے حفاظت کئے جانے کے واقعات باربار وقوع پذیر ہورہے ہیں۔ بدھ کو لگاتار تیسرے دن بھی مرڈیشور سمندر میں تیرنے کے دوران لائف گارڈس کے ذریعے 2سیاحوں کو بچانے کا واقعہ پیش آیا ہے۔
سمندر میں غرق ہونے سے بچنے والوں کی شناخت بنگلورو بسون گڈھی کے منوہر ایم بی (26) ، جگدیش کے ٹی (27) بتائی گئی ہے۔ دونوں کو پولس اپنی تحویل میں لے کر سخت تاکید کرنےکے بعد چھوڑدیاگیا ہے۔ سیاحوں کو بچانے میں بیچ سپر وائزر نرسمہا موگیر کی نگرانی میں محافظ دستہ کے ششی دھرنائک اور چندرشیکھر دیواڑیگا شریک تھے۔ پچھلے تین دنوں میں کل 10سیاحوں کی جان بچا کر ساحل پہنچانے میں لائف گارڈس کامیاب ہوئے ہیں۔