بھٹکل:20/اگست (ایس اؤنیوز)سمندری ساحل پر سیاحوں کے ڈوبنے اور ہلاک ہونےکی خبریں آتی رہتی ہیں، مگر کچھ دنوں سے ضلعی انتطامیہ کی طرف سے ساحل پر لائف گارڈ نامزد کئے جانے سے ساحل سمندر میںغرق ہونےو الوں کو بچانے میں کافی تعاون مل رہاہے اور کاروار، گوکرن کے بعد اب مرڈیشور ساحل پر بھی لائف گارڈ کے ذریعے سمندر میں ڈوبنے والے سیاحوں کی حفاظت کے واقعات سامنے آرہے ہیں۔

تازہ واقعہ آج اتوار کو مرڈیشور بیچ پر پیش آیا جس میں لائف گارڈ کے جوانوں نے تمل ناڈو کے جیکانت (22)نامی سیاح  کو مرڈیشور سمندر میں ڈوبنے کے دوران بچالیا۔

ذرائع سے ملی اطلاع کے مطابق   جیکانت مرڈیشور سمندرمیں اترکرموج مستی میں مگن تھا کہ  اچانک ایک بڑی لہر کی لپیٹ میں آگیا اور سمندر میں غوطے کھانے لگا۔ مگر موقع پر موجود لائف گارڈ روہیت اور جئے رام نے فوری طور پر سمندر میں چھلانگ لگاتے ہوئے جیکانت کو  بحفاظت کنارے پہنچانے میں کامیاب ہوگئے۔ جیکانت کو سمندر سے باہر لانے کے بعد لائف گارڈ نے مرڈیشور پولس کو سونپ دیا۔