پٹنہ،9؍ستمبر (ایس او نیوز؍یو این آئی)  کانگریس نے مرکز کی نریندر مودی حکومت پر الزام عائد کیاکہ وہ بے روزگار ی ، مہنگائی اور معیشت کی خراب صورتحال جیسے ملک کے اہم مسائل کو نظر انداز کر کے جذباتی مسائل کو اٹھاکر لوگوں کو گمراہ کر رہی ہے۔

کانگریس کے بہار انچارج اور قومی ترجمان شکتی سنگھ گوہل نے یہاں نامہ نگاروںسے بات چیت میں کہاکہ کانگریس نظریات کی لڑائی لڑ رہی ہے ۔ انہوں نے کہاکہ مرکز کی بھارتیہ جنتا پارٹی ( بی جے پی ) حکومت بے روزگار ی ، مہنگائی اور معیشت کی خراب صورتحال جیسے ملک کے زمینی مسائل کو نظر انداز کر کے رام مندر جیسے جذباتی مدے اٹھاکر عوام کو ورغلا رہی ہے۔

گوہل نے کہا کہ بہار میں کانگریس کی فخریہ تاریخ رہی ہے اور مولانا مظہر الحق ،ڈاکٹرراجندر پرساد جیسے عظیم لیڈر ، یہاں کے ریاستی کانگریس کے صدر رہ چکے ہیں۔ انہوں نے کانگریس کارکنان سے اپیل کی کہ وہ اپنا ذاتی مفاد چھوڑ کر پاٹی کو ریاست میں مضبوط کرنے کی مہم چلائیں۔

کانگریس لیڈر نے کہاکہ ” کانگریس کی قومی صدر سونیا گاندھی نے مجھ پر اعتماد کر کے مجھے بہار کا انچارج بنائے رکھنے کا فیصلہ لیا ہے اور میں ان کے تئیں اپنا اظہار تشکر پیش کرتا ہوں۔