اترکنڑا، اُڈپی اوردکشن کنڑا سمیت کئی اضلاع میں محکمہ موسمیات نے کی بارش کی پیشن گوئی
بینگلورو11 / دسمبر (ایس او نیوز) محکمہ موسمیات نے ضلع اتر کنڑا، اڈپی ، دکشن کنڑا کے علاوہ شیموگہ، میسورو، کوڈاگوجیسے دیگر کئی اضلاع میں آئندہ دو دنوں تک بارش ہونے کی پیشن گوئی کی ہے ۔
خیال رہے کہ سنیچر کی رات اور اتوار کی شام میں دکشن کنڑا میں بھاری برسات ہوئی تھی ۔ اتوار کے دن علی الصبح اڈپی ضلع میں بھی بارش ہوئی تھی ۔ اسی طرح بشمول بھٹکل اتر کنڑا کے کچھ علاقوں میں برسات ہوئی تھی ۔
گزشتہ دنوں ہوئی بارش کے دوران مُلکی بس اسٹینڈ کے پاس جواہیم کراستا (64 سال) کی لاش بازیافت ہوئی تھی جس کے بارے میں سمجھا جاتا ہے کہ آسمانی بجلی کی زد میں آنے سے اس کی موت واقع ہوئی ہوگی ۔ اسی طرح بنٹوال میں بھی بجلی گرنے سے دو گھروں کو بھاری نقصان ہوا ہے ۔ بیکمپاڈی میں ایک گھر پر بجلی گرنے سے لاکھوں روپے نقصان ہوا ہے ۔ اس کے علاوہ دیگر کئی جگہوں پر بجلی گرنے سے جزوی نقصانات ہونے کی اطلاع ہے ۔