جنوبی کینرا میں بڑھتا جارہا ہے ڈینگی بخار کے مریضوں کا سلسلہ۔ایک ہی دن میں 32مشتبہ مریض ہوئے اسپتال میں داخل
منگلورو25/جولائی (ایس او نیوز) مسلسل بارش اور خراب موسم کے ساتھ جنوبی کینرا ضلع میں ڈینگی بخار کے مریضوں کی تعدا د میں اضافہ ہوتا جارہا ہے۔ محکمہ صحت کے ذرائع کے مطابق بدھ کے دن32تازہ معاملات سامنے آئے ہیں اور ڈینگی بخار کے ان مشتبہ مریضوں کو مختلف اسپتالوں میں داخل کیا گیا ہے۔
اس مرتبہ جن مریضوں پر ڈینگی میں مبتلا ہونے کا شک ظاہر کیا جارہا ہے ان میں سے 31معاملات منگلورو تعلقہ میں پیش آئے ہیں جبکہ ایک مریض بنٹوال سے تعلق رکھتا ہے۔اس طرح 81جولائی سے اب تک ڈینگی بخار کے 195مریضوں کا علاج کیا گیا ہے۔
معلوم ہوا ہے کہ وبائی امراض کی روک تھام کے لئے ایم سی سی اورمحکمہ صحت کے افسران نے اپنے حفاظتی اقدامات تیز کردئے ہیں۔ بدھ کے دن شہر کے 20مقامات کا دورہ کرکے وہاں پر صفائی ستھرائی اور پانی کی نکاسی کی صورت حال کا جازئزہ لیا۔ ٹھیکے داروں اور زیرتعمیر عمارتوں کے مالکان سے مچھروں کی افزائش کا موقع فراہم کرنے کے زمرے میں 65ہزار روپے جرمانہ وصول کیا گیا۔سٹی کارپوریشن کے ذرائع سے معلوم ہو ا ہے کہ اس زمرے میں کارپوریشن نے اب تک 2,70,000روپے جرمانہ وصول کیا ہے۔