منگلورو، 22 / جنوری (ایس او نیوز) کنکن ناڈی میں  ایک چھوٹی بچی کے ساتھ جنسی ہراسانی کرنے پر عوام نے ملزم کو پکڑ لیا اور اس کی خوب دھلائی کرنے کے بعد پولیس کے حوالے کیا ۔
    
ذرائع سے ملی اطلاع کے مطابق ملزم کا نام نواز (35 سال) ہے جو الال کا رہنے والا ہے ۔ واقعہ یوں بتایا جاتا ہے کہ کنکن ناڈی کے علاقے میں ملزم نواز میستری کا کام کر رہا تھا اور وہاں قریب ہی ایک 8 سالہ بچی پودے سے پھل توڑ رہی تھی ۔ مبینہ طور پر ملزم نواز نے موقع سے فائدہ اٹھاتے ہوئے بچی کو جنسی طور پر ہراساں کرنے کی کوشش کی تو بچی نے زور سے چلانا شروع کیا ۔ بچی کی آواز سن کر قریب میں موجود لوگ اس کی طرف دوڑ پڑے اور نواز کو دبوچ لیا ۔ پھر اسے خوب پیٹنے کے بعد پولیس کے حوالے کیا ۔ 
    
کنکن ناڈی پولیس نے کیس درج کرلیا ہے اور تحقیقات جاری ہے ۔