منگلورو:یکم مارچ  (ایس اؤ نیوز)  منگلوروبین الاقوامی ہوائی اڈے پر 2017سے اب تک اسمگلنگ معاملات میں 95.12کلو گرام سونا ضبط کیاگیا ہے۔متعلقہ جانکاری ہوائی اڈے کے کسٹم معاون کمشنر نے ایک آرٹی آئی عرضی کے جواب میں  دیتے ہوئے  کہا ہے کہ ہوائی اڈے پر  خلیجی ممالک سے وطن لوٹنے والے مسافروں سے متعلقہ  سونا ضبط کیاگیا ہے۔

سال 2017میں5.84کروڑ روپئے مالیت کا  19.45کلوسونا۔ سال 2018میں 13.02کروڑروپئے مالیت کا 41.58کلو سونا۔ سال 2019میں 8.16کروڑروپئے مالیت کا 22.37کلو  سونا اور سال 2020اور جنوری 2021تک 5.96کروڑروپئے مالیت کا 11.72کلوگرام سونا ضبط کیاگیا ہے۔کسٹم ایکٹ 1962کے تحت کارروائی کے بعد مرحلہ وار ضبط شدہ سونے کی نکاسی کی گئی ۔

خلیجی ممالک سے لوٹنے والے مسافر چاکلیٹ ، چوئنگ گم، فیس کریم، میک اپ کٹس، الکٹرانک اشیاء ، قلم، نیاپ کن اور  ٹرالی وھیل وغیرہ  میں چھپا کر سونا  اسمگلنگ کرنے کی کوشش کرتے ہوئے پکڑے جاچکے ہیں۔ چند ایک معاملات میں مسافروں نے دوائی کے روپ میں  بھی سونا اسمگلنگ  کرنے کی ناکام کوشش کرچکے ہیں۔