منگلورو26/جون (ایس او نیوز) کلمانجے گاؤں میں ڈاکہ زنی اور لوٹ کا ایک واقعہ پیش آیا جس میں لٹیرے گھر والوں کو رسیوں سے باندھنے کے بعد لاکھوں روپے کے زیورات اور نقدی اڑا لے گئے۔

 موصولہ رپورٹ کے مطابق لٹیروں نے جس گھر کو نشانہ بنایا اس کا مالک اچھوت بھٹ صبح کی اولین ساعتوں میں کتوں کے بھونکنے کی آوازیں سن کر گھر سے باہر آیا تو لٹیرے اندر گھس گئے اور مکینوں پر ہتھیا ر تان لیے اور انہیں رسیوں سے باندھ دیا۔پھر کے اندر موجود نقدی اور زیورات نکال لینے کے بعد موقع پر سے فرار ہوگئے۔
    بتایا جاتا ہے کہ 320گرام سونے کے زیورات،ایک کلو گرام وزنی چاندی کی اشیاء اور25ہزار روپے نقد ی پر لٹیروں نے ہاتھ صاف کیا ہے، جس کی مالیت کا اندازہ 13لاکھ روپے لگایا گیا ہے۔دھرمستلا پولیس نے جائے واردات پر پہنچ کر معائنہ کیااور کیس درج کرنے کے ساتھ تحقیقات شروع کردی ہے۔