بھٹکل میں لاری اور بائک کی ٹکر؛ بائک پر سوار دونوں نوجوان شدید زخمی

Source: S.O. News Service | By I.G. Bhatkali | Published on 16th April 2017, 12:10 PM | ساحلی خبریں |

بھٹکل 15اپریل (ایس او نیوز) یہاں وینکٹاپور آئیس فیکٹری کے سامنے نئی تعمیر شدہ نیشنل ہائی وے سڑک پر لاری اور بائک کے درمیان ہوئے تصادم میں بائک پر سوار دونوں نوجوان شدید زخمی ہوگئے جنہیں بھٹکل سرکاری اسپتال میں ابتدائی طبی امداد کے بعدکنداپور لے جایا گیا ہے۔

زخمیوں کی شناخت شری دھر سومیّا گونڈا (27) اور کرشنا انپّا گونڈا (28) کی حیثیت سے کی گئی ہے۔ بتایا گیا ہے کہ آئس فیکٹری کے عقب میں واقع ایک مکان میں مزدوری کا کام ختم کرکے یہ دونوں اپنے گھر ہاڈولی جانے کے لئے نکلے تھے، آئیس فیکٹری والی سڑک سے ان کی بائک باہر نئی تعمیر شدہ سڑک پر آہی رہی تھی کہ اس موقع پر مچھلیوں سے بھری لاری بھی نئی تعمیر شدہ سڑک پر گذررہی تھی، بائک سوار نے غالباً اہم شاہراہ پر گذرنے والی لاری سے بے پرواہ اپنی بائک کو گلی سے باہر لایا، جس کے دوران یہ حادثہ رونما ہوا۔

سری دھرکے ایک پیر کو شدید چوٹ لگی ہے، جبکہ دونوں ہاتھوں کو اور چہرے پر خراشیں آئی ہیں، جبکہ کرشنا کے سر کے پچھلے حصے کو چوٹ لگی ہے دونوں کو زائد علاج کے لئے کنداپور شفٹ کیا گیا ہے۔

ایک نظر اس پر بھی

ہوناور میں راہ گیر پر چیتے کاحملہ : ہمت وحوصلے نے بچائی جان

ہوناور  تعلقہ کے کڈلے کاجو باغ میں رہ چلتے ایک دیہی فرد پر چیتا نے حملہ کردیا لیکن متعلقہ شخص نے چیتے سے لڑتے ہوئے اپنی جان بچانے میں کامیاب ہوگیا۔  متعلقہ شخص کی شناخت  وینکٹ رمن تمنا ہیگڈے کی حیثیت سے کی گئی ہے، واقعہ جمعہ کی شام کو پیش آیا۔

اُڈپی کے کارکلا میں بھیانک سڑک حادثہ؛ بس سڑک کنارے پہاڑی چٹان سے ٹکراگئی؛ نو ہلاک، 24 زخمی؛ کیسے ہوا تھا حادثہ ؟

ضلع کے کارکلا میں ایک سیاحوں سے بھری پرائیویٹ بس سڑک حادثے کا شکار ہوگئی جس میں نو افراد  ہلاک ہوگئے جبکہ 24 افراد زخمی ہوئے ہیں جن میں شدید زخمی ہونے والوں کو منی پال اسپتال اور دیگر کو کارکلا سرکاری اسپتال میں داخل کیا گیا ہے۔حادثہ سنیچر کی شام 5:35 بجے پیش آیا۔

مرڈیشور کیریکٹے پرائمری اسکول کے چار کمروں کوخالی کرنے ضلع پنچایت سی ای اؤ کا حکم

مرڈیشور کے روڈ کنارے واقع کیریکٹے ہائر پرائمری اسکول عمارت کے 4کمروں کو خالی کرنے اترکنڑا ضلع پنچایت کے سی ای اؤ محمد روشن نے حکم جاری کیا ہے۔ بتایا گیا ہے کہ متعلقہ اسکول کی عمارت کےکمرے خستہ حالی کا شکار ہیں   اور کبھی بھی نیچے گرسکتے ہیں۔ اسکول طلبا کے تحفظ کے پیش نظر اس ...