دو ہزار روپئے کے نوٹ بدلنے کی آخری تاریخ میں توسیع
نئی دہلی، 30/ستمبر (ایس او نیوز/ایجنسی) ریزرو بنک آف انڈیا نے 30 ستمبر کو ایک پریس ریلیز جاری کرکے دو ہزار روپئے کے نوٹ بدلنے کی آخری تاریخ میں توسیع کرنے کا اعلان کیا۔ ریلیز کے مطابق ریزرو بینک نے اب 2000 روپئے کے نوٹوں کو تبدیل کرنے کی آخری تاریخ میں 7 اکتوبر تک توسیع کی ہے۔
قبل ازیں 2000 روپے کے نوٹوں کو بنک میں تبدیل کرانے کےلئے 30 ستمبر تک کا وقت دیا گیا تھا تاہم آج آخری دن اس میں توسیع کی گئی۔ اب تک جن لوگوں نے کسی وجہ سے دو ہزار روپئے کے نوٹ بنک میں جمع نہیں کئے ہیں انہیں راحت دی گئی ہے۔