کمٹہ /ہلیال :18؍اکتوبر(ایس اؤ نیوز)تعلقہ کے پہلے مولوی مولانا عبدالحئی فخرالدین پٹیل 88برس کی عمر میں انتقال کرگئے۔ اناللہ وانا الیہ راجعون۔ بروز جمعرات کی بعد نماز عشاء ہلیال میں ہی تدفین عمل میں آئی ۔

ہلیال کے پٹیل محلہ میں آنکھیں کھولنےوالے مولانا عبدالحئی نے  کمٹہ  جامع مسجد میں قریب 22-20برسوں تک امام و خطیب کی خدمات انجام دئیے ہیں۔اس کے بعد اپنے شہر ہلیال لوٹ کر کاکرگلی کی مسجد میں بھی قریب دس برسوں تک امامت کے فرائض انجام دیتےرہے۔ ان کے انتقال پر  کمٹہ جماعت المسلمین  کے عہدیداران ، ممبران سمیت کئی لوگوں نے گہرے رنج کا اظہار کرتے ہوئے دعائے مغفرت کی ہے اور کمٹہ جماعت المسلمین کا ایک وفد سمیت کئی لوگ  ان کے جنازےمیں شریک تھے۔ سابق نگراں کاروزیر آر وی دیش پانڈے نے بھی دکھ کا اظہارکیاہے۔