کولکاتہ کورٹ نے ششی تھرور کے خلاف جاری کیا گرفتاری وارنٹ
کولکاتہ، 13 اگست(ایس او نیوز/آئی این ایس انڈیا)کولکاتہ کی میٹروپولیٹن کورٹ نے کانگریس لیڈر ششی تھرور کے خلاف گرفتاری وارنٹ جاری کیا ہے۔دراصل تھرور کے ’ہندو پاکستان‘ کے بیان پر وکیل سلیم چودھری نے درخواست دائر کی تھی۔اس درخواست پر سماعت کرتے ہوئے عدالت نے تھرور کے خلاف گرفتاری وارنٹ جاری کیا ہے۔اس سے پہلے ان کے خلاف کولکاتہ ہائی کورٹ نے بھی سمن جاری کیا تھا۔ششی تھرور نے بی جے پی پر حملہ بولتے ہوئے کہا تھا کہ اگر بی جے پی 2019 کے لوک سبھا انتخابات میں کامیاب ہوتی ہے تو اس سے ملک ہندو پاکستان بن جائے گا۔ترنت پورم میں ایک پروگرام سے خطاب کرتے ہوئے انہوں نے کہا تھا کہ بھارتیہ جنتا پارٹی اگر جیتتی ہے تو وہ نیا آئین لکھے گی، جس سے یہ ملک پاکستان بننے کی راہ پر آگے بڑھے گا جہاں، اقلیتوں کے حقوق کا کوئی احترام نہیں کیا جاتا ہے۔ششی تھرور کے اس بیان کو لے کر گلیاروں میں بڑا ہنگامہ مچا تھا۔بی جے پی کے حملہ آور ہونے کے بعد تھرور کے بیان سے کانگریس نے بھی پلہ جھاڑ لیا تھا۔کانگریس نے اپنے رہنماؤں کو سوچ بولنے کی ہدایت دی تھی۔کانگریس ترجمان رندیپ سرجیوالا نے کہا تھا کہ گزشتہ چار سالوں میں مودی حکومت نے تقسیم، تعصب، نفرت اور عدم برداشت کا ماحول بنا دیا ہے۔دوسری طرف کانگریس ہندوستان کی ایک تنوع بھری تہذیب، مختلف قسم کے، مختلف مذہب اور سپردایاو میں ہم آہنگی کی حمایتی رہی ہے۔