خاشقجی کے اغوا اور قتل سے متعلق رپورٹیں من گھڑت ہیں : خالد بن سلمان کا بیان

Source: S.O. News Service | By Staff Correspondent | Published on 9th October 2018, 5:59 PM | خلیجی خبریں |

دبئی9اکتوبر ( آئی این ایس انڈیا ؍ایس او نیوز) واشنگٹن میں سعودی عرب کے سفیر شہزادہ خالد بن سلمان نے باور کرایا ہے کہ تحقیقات کے ذریعے صحافی جمال خاشقجی کے معاملے میں کئی ایک انکشافات سامنے آئیں گے۔

منگل کے روز اپنے ایک بیان میں خالد بن سلمان نے واضح کیا کہ اگرچہ تحقیقات ابھی اختتام کو نہیں پہنچی ہیں تاہم اس کے باوجود گزشتہ چند روز میں بے ہودہ نوعیت کے افواہوں کا بازار گرم ہوگیاہے۔سعودی سفیر نے کہا کہ "سب سے بہتر طریقہ یہ ہے کہ اِن پروپیگنڈوں پر بات نہ کی جائے۔ بالخصوص جب کہ معاملہ مملکت کے ایک لا پتا شہری سے متعلق ہو جس نے اپنی زندگی کا بڑا حصّہ اپنے وطن کی خدمت کے لیے وقف کر دیا ہے۔شہزادہ خالد کا کہنا تھا کہ "بے شک مملکت میں جمال خاشقجی کا خاندان انتہائی تشویش کا شکار ہے اور اسی طرح ہمیں بھی تشویش لاحق ہے۔ جمال کے سعودی عرب میں بہت سے دوست ہیں اور میں ان میں سے ایک ہوں۔ کئی معاملات میں اختلافات کے باوجود ہم نے اپنے رابطوں کو برقرار رکھا ۔شہزادہ خالد بن سلمان نے زور دے کر کہا کہ "خاشقجی کے استنبول میں سعودی قونصل خانے میں چھپائے جانے یا مملکت کی جانب سے اغوا یا قتل کیے جانے کے حوالے سے تمام تر افواہیں جھوٹی اور بے بنیاد ہیں۔ ترکی سے حاصل ابتدائی معلومات کے مطابق وہ قونصل خانے سے نکلنے کے بعد لا پتہ ہوئے۔ تاہم جب مملکت کی جانب سے تحقیقات کا آغاز ہو گیا تو پھر الزامات بھی بدل گئے اور یہ بات پھیلائی گئی کہ وہ قونصل خانے کے اندر لا پتا ہوئے۔ بعد ازاں جب ترک حکام اور میڈیا کو قونصل خانے کی عمارت کے مکمل معائنے کی اجازت دے دی گئی تو ایک بار پھر الزامات میں تبدیلی آئی اور یہ شرم ناک پروپیگنڈا کیا گیا کہ خاشقجی کو کام کے اوقات میں قونصل خانے میں قتل کر دیا گیا جب کہ درجنوں ملازمین اور غیر ملکی افراد بھی موجود ہوتے ہیں۔ معلوم نہیں اس نوعیت کے پروپیگنڈے کے پیچھے کس کا ہاتھ ہے۔خالد بن سلمان نے باور کرایا ہے کہ سعودی عرب اور اس کے سفارت خانے کے لیے اس وقت اہم ترین امر خاشقجی کی سلامتی اور اس بات کا ظاہر ہونا ہے کہ حقیقت میں کیا ہوا۔ انہوں نے کہا کہ جمال خاشقجی گزشتہ چند ماہ کے دوران باقاعدگی کے ساتھ استنبول میں سعودی قونصل خانے آتے رہے ہیں۔واشنگٹن میں سعودی سفیر نے زور دیا کہ استنبول میں سعودی قونصل خانے پر لازم ہے کہ وہ مقامی حکام کے ساتھ مکمل تعاون کرے تا کہ یہ انکشاف سامنے آ سکے کہ خاشقجی کے روانہ ہونے کے بعد کیا واقعہ پیش آیا۔ شہزادہ خالد کے مطابق مملکت نے ترکی کی حکومت کی موافقت سے اپنی ایک سکیورٹی ٹیم بھی استنبول بھیجی ہے تا کہ وہ اپنے ترک ہم منصبوں سے اس تعلق گفت و شنید ہورہی ہے ۔ شہزادہ خالد بن سلمان نے باور کرایا کہ مملکت کی جانب سے جمال خاشقجی کی تلاش کے سلسلے میں کوئی کسر نہیں چھوڑی جائے گی۔
 

ایک نظر اس پر بھی

بھٹکل کے علما و ذمہ داران کی دعاوں سے دبئی کے قریبی شہر عجمان میں کھلاڑیوں کے ملبوسات کے شوروم کا خوبصورت افتتاح

قریبی شہر عجمان میں بھٹکل کے نوجوان  عبدالباسط صوبیدار  کے  اسپورٹس وئیر کے شوروم کا گذشتہ روز خوبصورت افتتاح بھٹکل کے علماء و ذمہ داران کی دعاوں کے ساتھ کیا گیا ۔ شوروم میں  اسپورٹس کے کپڑوں کے ساتھ ساتھ   بچوں  کے کپڑوں سمیت خواتین کی اعلیٰ کوالٹی اور خوبصورت ڈیزائن کی ...

بھٹکل اور اطراف کے عوام توجہ دیں: دبئی اور امارات میں حادثات کے بڑھتے واقعات؛ ہندوستانی قونصل خانہ نے جاری کی سفری انشورنس کی ایڈوائزری

دبئی سمیت متحدہ عرب امارات کے مختلف شہروں اور قصبوں  میں  مختلف حادثات میں شدید  طور پر زخمی ہوکر اسپتالوں میں ایڈمٹ ہونے کی  تعداد میں  اضافہ کو دیکھتے ہوئے  اور اسپتالوں  میں اُن کا کوئی پرسان حال نہ ہونے  کے واقعات کا مشاہدہ کرنے کے بعد  ہندوستانی سفارت خانہ کی طرف سے  عرب ...

دُبئی میں 18 برس سے کم عمر بچوں کی ویزہ مفت؛ 15 جولائی سے 15 ستمبر تک رہے گی سہولیت

 متحدہ عرب امارات میں سیاحتی سیزن کے دوران غیر مُلکی سیاحوں کے 18 برس سے کم عمر بچوں کے لیے مفت ویزے کی سہولت فراہم کی جا رہی ہے۔ یہ اعلان فیڈرل اتھارٹی فار آئیڈینٹٹی اینڈ سٹیزن شپ کی جانب سے کیا گیا ہے۔ دُبئی میں ہر سال سیاحتی سیزن کا آغاز 15 جولائی سے ہوتا ہے جو 15 ستمبر تک جاری ...

بحرین میں بھٹکل مسلم جماعت بحرین کی خوبصورت عید ملن تقریب ؛ اناس افریقہ کو بیسٹ اسٹوڈینٹ کا ایوارڈ؛ قران حفظ کرنے پر اسعدمصباح کو بھی ملا خصوصی اعزاز

بھٹکل مسلم جماعت بحرین کا عید ملن پروگرام بروز جمعرات  13جون کو منعقد ہوا، جس میں  بچوں کے پروگرام بالخصوص نظمیں، کوئیز، کھیل مقابلے نہایت دلچسپ رہے، عید ملن تقریب میں تعلیمی ایوارڈ سمیت بچوں کی ہمت آفزائی  کے لئے  بعض خصوصی انعامات  سے بھی نواز گیا جبکہ   آخر میں ریفل ...

جون 13 کو ہوگا بھٹکل مسلم جماعت بحرین کا عید ملن پروگرام؛ ممبران سے شرکت کی درخواست

بھٹکل مسلم جماعت بحرین کی عید ملن تقریب انشاء اللہ 13 جون کو مناما کے    ویندھم گرینڈ ہوٹل (Wyndham Grand Hotel, Manama)  میں  منعقد کی گئی ہے جس میں  دلچسپ اور تفریحی پروگرام پیش کئے جائیں گے۔ اس بات کی اطلاع جماعت کے جنرل سکریٹری مولوی اظہرالدین آرمار نے دی ہے۔

بھٹکل مسلم ایسوسی ایشن ریاض کی عید ملن تقریب؛ نوائطی ڈرامے، کوئیز، فینسی ڈریس سمیت کئی دلچسپ پروگرام سے حاضرین نے اُٹھایا لطف

بھٹکل مسلم ایسوسی ایشن ریاض کی طرف سے عید کی رات ٹھیک 10بجے کراون پلازہ ہوٹل میں ایک شاندار عید ملن تقریب کا اہتمام کیا گیا جس میں  تفریحی پروگرام، بچوں کا فینسی ڈریس ، نوائطے ڈرامے، کوئز اور ریفل ڈراء  وغیرہ جیسے مختلف پروگراموں سے  حاضرین نے خوب لطف اُٹھایا۔