مینگلور: ٹریکٹر الٹ گیا - ڈرائیور ہلاک ، ساتھی زخمی
کاسرگوڈ 12/ جنوری (ایس او نیوز) پڑوسی ریاست کیرالہ کے سرحدی ضلع کاسرگوڈ میں کامپریسر ٹریکٹر بے قابو ہوکرالٹ جانے سے ڈرائیور کی موت واقع ہوگئی جبکہ اس کا ساتھی زخمی ہوگیا۔
پائوالیکے - چاور روڈ پر پیش آئے اس حادثہ میں ہلاک ہونے والے ڈرائیور کا نام نیپالی شہری سریش پون (28 سال) اور زخمی ساتھی کا نام واسپتی تاپا بتایا گیا ہے۔
عینی شاہدین کا کہنا ہے کہ ٹریکٹر مڑنے اور الٹنے کے بعد ڈرائیور سریش پون اس کے اندر پھنس گیا تھا جسے مقامی لوگوں نے کسی طرح کھینچ کر باہر نکالا اور علاج کے لئے بنڈیوڈ کے اسپتال میں داخل کروایا ۔ چونکہ سریش بری طرح زخمی ہوگیا تھا اس لئے اسے منگلورو کے اسپتال میں منتقل کیا گیا مگر علاج کارگر نہ ہونے سے اس نے دم توڑ دیا ۔ جبکہ تاپا اسپتال میں زیر علاج ہے۔
معلوم ہوا ہے کہ سریش پون نے ابھی دو دن پہلے ہی ٹریکٹر ڈرائیور کے طور پر ملازمت اختیار کی تھی ۔