کاروار تحصیل افسران کی جانب سے کالی ندی کنارے پر ریت ضبط
کاروار :19؍جولائی (ایس اؤ نیوز) کالی ندی کے کنارے غیرقانونی ریت سپلائی کے خلاف کارروائی کرتےہوئے محکمہ تحصیل نے جمعرات کو نندنگدا میں ذخیرہ کردہ ریت ذخیرے کو ضبط کرلیا ۔
سنکیری نندنگدا علاقے کی ندی کنارے غیر قانونی طورپر ذخیرہ کردہ 8میٹر کی موٹائی والے ریت ذخیرے کو تحصیل افسران نے ضبط کرلیا۔ سنکیری نندنگدا علاقے میں بغیر کسی روک ٹوک کے غیرقانونی ریت سپلائی کا دھندہ جاری رہنے کے متعلق باربار شکایتیں موصول ہونے پر بدھ کو تحصیلدار کی قیادت میں 24میٹر ریت ذخیرے کو ضبط کرلیا گیا تھا۔ جمعرات کو تحصیلدار رام چندر کٹی کی رہنمائی میں شری دھرنائک سمیت ولیج اکاؤنٹنٹس، محکمہ اراضی کے افسران پر مشتمل ٹیم نے چھاپہ ماری میں شریک تھی۔ ریت کا ذخیرہ ابھی تک کس کا ہے پتہ نہیں چلاہے۔