کاروار : رئیر ایڈمرل اروندن نے سنبھالا چارج
کاروار:19؍دسمبر(ایس اؤ نیوز)کاروار کے سی برڈ بحریہ اڈے جہاز درستی یارڈ کے ایڈمرل سپرنٹنڈنٹ کے طورپر رئیر ایڈمرل کے پی اروندن نے چارج سنبھالا۔ اس سے پہلے رئیر ایڈمرل اے پی کلکرنی ذمہ داری سنبھالے ہوئے تھے۔
رئیر ایڈمرل کے پی اروندن بھارتی بحریہ کے انجنئیرنگ شعبہ میں سن 1987میں شامل ہوئے تھے۔ لون والا کی بحریہ انجنئیرنگ کالج میں ’آئی این ایس شیواجی ‘ میں بی ٹک اور ممبئی کے این آئی ٹی آئی ای کالج میں ایم ٹک کیا تھا۔ اپنی بحریہ کی 30سال سے زائد سرویس میں وہ آئی این ایس انڈمان ، آئی این ایس راجپوت، آئی این ایس کرپان اور آئی این ایس رنجیت میں بطور آفیسر خدمات انجام دی ہیں۔ ان کی خدمات کی ستائش کرتےہوئے انہیں ’چیف آف ناول اسٹاف کمنڈیشن ‘۔’ فلاگ آفیسر کمانڈنگ ان چیف (مغرب) کمنڈیشن ‘اور خصوصی سیواایوارڈ سے نوازتے ہوئے عزت بخشی گئی ہے۔