بینگلورو ۔ مرڈیشور ٹرین کی کاروار تک توسیع
کاروار :4؍مارچ؍(ایس اؤ نیوز)سنیچر کو منگلورو میں منعقدہ کونکن ریلوے صارفین صلاح کمیٹی میٹنگ میں ریاست کی نمائندگی کرتےہوئے کاروار کےرکن اسمبلی اور ایم سی اے لمیٹیڈ کے صدر ستیش سئیل نے بنگلورو سے مرڈیشور کےدرمیان چلنےوالی ریل کو کاروار تک توسیع کرنےپر زور دیا تھا۔
میٹنگ میں رکن اسمبلی ستیش سئیل کی طرف سے پیش کئے گئے ریلوے اوقات کو پسند کرتےہوئے کونکن ریلوے افسران نے بنگلورو سے مرڈیشور تک چلنےوالی ریل کو کاروار تک وسعت دینے کو لےکر ساؤتھ ویسٹرن ریلوے سے مشورہ کرنےکے بعد اوقات میں تبدیلی کرتےہوئے متعلقہ ریل کو کاروار تک توسیع کرنےکا تیقن دیاہے۔
منگلورو کے پرشین پرل ہوٹل میں منعقدہ کونکن ریلوے سیاحوں کی میٹنگ میں ستیش سئیل نے مڈگاؤں۔ منگلورو میموریل کو ہارواڑ اور مرجان میں اسٹاپ دینے پر بھی کمیٹی نے قبول کیاہے۔ اسی طرح وندے بھارت ٹرین کو گوکرن اور کنداپور میں اسٹاپ، کاروار ریلوے اسٹیشن کےسامنے سڑک کی تعمیر اور پلاٹ فارم پر لفٹ کی نصب کاری کو بھی انتظامیہ کمیٹی نےتوجہ دینے کی بات کہی ہے۔
میٹنگ میں ستیش سئیل نےجب کونکن ریلوے کے چند متاثرین کو ابھی تک معاوضہ نہیں ملنےکی بات پیش کی تو کمیٹی نےکہاکہ ڈی سی عدالت سےآنےوالےکسی بھی معاملہ کو باقی نہ رکھتے ہوئے فوری طورپر معاوضہ ادا کیاجائے گا۔ اسی طرح اگلے عملی نقشہ میں کاروار تعلقہ آمدلی میں ریلوے اسٹیشن اور مڈگیری صنعت کاری علاقے کےلئے ریلوے لائن بچھانے کو شامل کئےجانے کا تیقن دیا۔ ستیش سئیل نےمتعلقہ میٹنگ سے کاروار۔ انکولہ حلقہ کے کئی سارے مسائل کا حل ڈھونڈنےمیں کامیابی ملنے پر خوشی کا اظہارکیا۔