جوئیڈا،4؍اکتوبر (ایس او نیوز) دلتوں کے حقوق کی تنظیم اور ڈی وائی ایف آئی نےمحکمہ جنگلات کے افسران پر الزام لگایا ہے کہ ویر نولی جنگلاتی علاقے میں 24ستمبر کو سامنے آئے ہرن کے شکار کے معاملے میں تحقیقات کے نام پر اصل مجرمین کو پکڑنے کےبجائے سندیپ جادو، گوپال میدار، پرشو رام نامی درج فہرست قبائل سے تعلق رکھنے والے افراد کو مارا پیٹا ہے۔
اس معاملے کی مذمت کرتے ہوئے ڈی وائی ایف آئی نے تحصیلدار شیلیش پرمانند کے توسط سے ہیومن رائٹس کمیشن اور ایس سی ایس ٹی کمیشن کو میمورنڈم دیتے ہوئے مطالبہ کیا ہے کہ اس طرح مارپیٹ کرنے والے افسران کے خلاف ایس سی ایس ٹی قانو ن کے تحت معاملہ درج کیا جائے اور اس پورے معاملے کی اعلیٰ سطحی تحقیقات کروائی جائے۔
اس موقع پر ڈی وائی ایف آئی کے ضلع سیکریٹری ڈی سیامسن کے علاوہ شانتاراؤ جان، عمران خان، دامود شیٹی، سلوم راج، ششی کانت کامبلے وغیرہ موجود تھے۔