گوکرن سے لا پتہ ہوئی جاپانی خاتون - درج ہوئی شکایت
گوکرن،8 / فروری (ایس او نیوز) اتر کنڑا کے سیاحتی مرکز گوکرن میں سیر و تفریح کے لئے آئی ہوئی یومی یاکازاکی (40 سال) نامی جاپانی خاتون لا پتہ ہوگئی ہے۔
بتایا جاتا ہے کہ یاکا زاکی اور اس کا شوہر دائی یاکازاکی بنگلے گوڈا کے نیچر کیمپ میں قیام پزیر تھے۔ یومی کے شوہر کی طرف سے گوکرن پولیس کے پاس درج کروائی گئی شکایت کے مطابق اس کی بیوی صبح 10.30 بجے کے باہر جانے کا کہہ کر نکلی ، پھر وہ لوٹ کر نہیں آئی اور تلاش کرنے پر اس کا کہیں بھی پتہ نہیں چلا۔
گم شدہ خاتون کی تلاش کے لئے غیر ملکی سفارتخانے کی طرف سے بھی ریاستی پولیس سے رابطہ قائم کیا گیا ہے۔
پولیس نے معاملہ درج کرنے کے بعد گم شدہ غیر ملکی خاتون کی تلاش اور تحقیقات شروع کی ہے۔