جالی پٹن پنچایت کی جانب سے روینیو منسٹر اور ضلع نگراں کار وزیر کو سونپا گیا میمورنڈم؛ محکمہ جنگلات کی جانب سے پیش آرہی رکاوٹوں کو دور کرنے کا مطالبہ

Source: S.O. News Service | By Abu Aisha | Published on 26th January 2021, 12:16 AM | ساحلی خبریں |

بھٹکل:25؍جنوری (ایس اؤ نیوز)بھٹکل تعلقہ جالی پٹن پنچایت کی جانب سے ریاست کے روینیو منسٹر آر اشوک کو جالی پٹن پنچایت کی محکمہ تحصیل کی جانب سے واضح سرحدی نشان طئے کرنے کا مطالبہ لے کر پنچایت کی صدر شمیم بانو شیخ نے میمورنڈم سونپا۔

میمورنڈم میں کہاگیا ہے کہ 2015میں جالی گرام پنچایت کو ترقی دے کر پٹن پنچایت کا درجہ دیاگیا ہے۔ جالی دیہات کا علاقہ 60فی صد فاریسٹ اور 40فی صد روینیو زمین پر مشتمل ہے۔ دیہات کی سرحد طئے نہیں ہونے سے عوام کو کافی مشکلات پیش آر ہی ہیں۔ اسی طرح 30-40برسوں پہلے  محکمہ فاریسٹ کی طرف سے زمین کا پٹہ بھی مل چکاہے، متعلقہ زمینات پر جب گھروں یا عمارتوں کی تعمیر شروع کی جاتی ہے تو فاریسٹ محکمہ کا عملہ کافی رکاوٹیں پیش کرتاہے۔ تعلقہ بھر میں ارینیا حقو سمیتی بھی ہے اسی کے تحت دیہات کی سرحد طئے کریں تو عوام کے لئے راحت کا سامان ہوگا۔

اسی طرح جالی پٹن پنچایت کی جانب سے اترکنڑا ضلع نگراں کاروزیر شیورام ہیبار کو بھی میمورنڈم سونپتے ہوئےمطالبہ کیاگیا کہ جالی دیہات کی  ہمہ جہت ترقی سمیت  دیہاتوں میں  بنیادی سہولیات فراہم کرنے کےلئے اضافی امداد منظور کی  جائے۔ میمورنڈم میں کہاگیا ہے کہ جالی پنچایت کی آمدنی 97لاکھ روپئے ہے تو خرچ 88.36لاکھ روپئے ہے جس کی وجہ سےکوئی بھی ترقی کےکام نہیں ہوپارہے ہیں۔میمورنڈم میں اس بات کا بھی مطالبہ کیا گیا ہے کہ  دیہات میں پینے کے پانی ، سڑکوں کی تعمیر و درستگی اور کچرانکاسی مرکز وغیرہ  کے لئے 10ایکڑ زمین منظور کی جائے۔

ایک نظر اس پر بھی

اڈپی: 21 لڑکوں کے ساتھ غیر فطری جنسی عمل ۔ پہلے کیس میں صحافی کو 10سال قید اور 10 ہزار روپے جرمانہ کی سزا

ڈسٹرکٹ ایڈیشنل اینڈ سیشنس کورٹ میں    اسپیشل پوکسو فاسٹ ٹریک کورٹ کے جج  یادو ونا مالا آنند راو نے صحافی چندرا کے ہیماڈی کو لڑکوں کےساتھ بدفعلی کرنے جرم میں 10سال قید بامشقت اور 10ہزار روپے جرمانہ کی سزا سنائی ہے۔ یہ سزا 21مختلف معاملات میں سے پہلے کیس میں دی گئی ہے۔

اڈپی : قسمت کا حال بتانے کے نام پرنجومی خاتون نے ایک گھریلو خاتون سے لوٹ لیے 7 لاکھ روپے کے زیورات

نیتّور کی رہنے والی لکشمی نامی خاتون نے اڈپی ٹاون پولیس میں شکایت درج کروائی ہے کہ اپنے آپ کو جیوتش کہلانے والی ایک خاتون نے  قسمت کا حال  بتانے کے  نام پر اس سے 7 لاکھ روپے مالیت کے زیورات لوٹ لیے ہیں۔

منگلورو: دبئی سے لوٹنے والی خاتون کے سامان سے قیمتی اشیاء غائب

دبئی سے شہر لوٹنے والی ایک خاتون مسافر کا الزام ہے کہ اس کے چیک اِن بیگیج   ( وہ سامان جو طیارے کے کارگو والے حصے میں رکھا جاتا ہے)  میں سے کچھ قیمتی سامان غائب ہوا ہے اور اس مسافر نے اس کے لئے ایئر لائن کمپنی کو ذمہ دار ٹھہراتے ہوئے شکایت درج کروائی ہے۔ ...

اترکنڑا ضلع کے مختلف مقامات پر غیر قانونی اشتہارات اور پوسٹروں کی بھرمار : مقامی اداروں کو نقصان اور شہر کی خوبصورتی میں بگاڑ

جہاں کہیں دیوار پر کوئی خالی جگہ نظر آئی تو وہاں پوسٹر یا اشتہارچسپاں کیاجانا ، دو کھمبوں کے درمیان جگہ ملی تو بیانر لگانا، روڈ ڈوائیڈر ، رہنمائی والے بورڈوں پر اسٹیکر وغیرہ کا چسپاں کرنا عام بات ہوگئی ہے۔

مرکزی خلیفہ جماعت المسلمین بھٹکل کے لئے نئے عہدیداران کا انتخاب؛ صدیق میراں صدر اور جوباپو اسماعیل جنرل سکریٹری منتخب

مرکزی خلیفہ جماعت المسلمین بھٹکل کی سہ سالہ میعاد (۱۴۴۲۔۱۴۴۴ ھ ) کے لئے آج  پیر کو  عہدیداران کا انتخاب عمل میں آیا جس میں جناب صدیق محمد میراں صدر اور جوباپو محمد اسماعیل جنرل سکریٹری کے  اہم عہدہ پر منتخب ہوگئے۔