بھٹکل کے ہردلعزیز شخص ضیاء الدین جاکٹی انتقال کرگئے؛ تعزیتی اجلاس میں پیش کی گئی خراج عقیدت

Source: S.O. News Service | By I.G. Bhatkali | Published on 20th January 2022, 1:09 AM | ساحلی خبریں |

بھٹکل 19 جنوری (ایس او نیوز) بھٹکل کے سماجی حلقوں میں معروف اورہردلعزیز فرد سمیت سوشیل میڈیا میں متحرک شخص جناب محمد ضیاء الدین جاکٹی منگل صبح انتقال کرگئے۔ انا للہ و انا الیہ راجعون۔ ان کی عمر 74 سال تھی۔ ان کے انتقال پر آج بدھ کو آزاد نگر مسجد طوبیٰ میں تعزیتی اجلاس منعقد کیا گیا جہاں مقررین نے انہیں خراج عقیدت پیش کرتے ہوئے ان کی حق میں مغفرت کی دعائیں کیں۔

جناب ضیاء الدین صاحب اچھے بھلے اور دیکھنے میں صحت مند لگتے  تھے، منگل صبح قریب دس بجے وہ اپنی صحت کی جانچ کرنے دُختر اورنواسہ کو ساتھ لے کر کار پرسوار مینگلور جانے کے لئے نکلے تھے۔ کار بمشکل چار پانچ کلو میٹر کا فاصلہ ہی طئے کرپائی تھی کہ اچانک طبیعت بگڑ گئی، جس کو دیکھتےہوئے کار واپس بھٹکل کی طرف موڑ دی گئی اور سیدھے ایک پرائیویٹ اسپتال لے جایا گیا، مگر اسپتال پہنچنے تک وہ خالق حقیقی کی آواز پر لبیک کہہ کراپنی آخری سانس لے چکے تھے۔

آپ نے اپنی جوانی کے 38 سال عمان میں گذارے۔ قریب 10 سال پہلے ہی وہ بھٹکل آگئے تھے۔صوم وصلاة وتہجد کے پابند مرحوم ضیاء الدین صاحب نیک صفت انسان تھے، ہر شخص کے ساتھ خوش اسلوبی سے پیش آتے تھے 

مرحوم ابوبکر فقی احمدا (جاکٹی) کے صاحبزادے جناب ضیاء الدین جاکٹی صاحب نے دسویں تک تعلیم حاصل کی، مگر عمان میں انہوں نے ایک بڑی کار کمپنی میں اپنی صلاحیتوں کا لوہا منواتے ہوئے سیلس مین سے برانچ مینجرتک کا عہدہ حاصل کرنے میں کامیاب رہے۔ انہوں نے اس کمپنی میں قریب 38 سال تک ملازمت کی جس کے دوران ان کی ایمانداری، شرافت اور گاہکوں کے ساتھ باتیں کرنے کا انداز اور ان کے حسن سلوک  وغیرہ کو دیکھتے ہوئے انہیں بہترین سیلس مین کے اعزاز سے بھی نوازا گیا۔

آپ کی نماز جنازہ بعد نماز عصرنوائط کالونی تنظیم جمعہ مسجد میں آپ کے بھتیجے مولوی مظفرجاکٹی ندوی کی امامت میں ادا کی گئی اور نوائط کالونی قبرستان میں تدفین عمل میں آئی۔ اس موقع پر سینکڑوں لوگ جنازہ میں شریک تھے۔ آپ کے پسماندگان میں اہلیہ ایک فرزند اور  پانچ دختر ہیں۔ بتایا گیا ہے کہ ان کے اکلوتے فرزند حافظ قرآن ہیں اور ان کی ایک دختر BDS ڈگری ہولڈر ہونے کے باوجود انتہائی درجہ کی دین دار خاتون ہے۔

ان کے انتقال پرایک طرف قائد قوم جناب ایس ایم سید خلیل الرحمن نے تعزیتی کلمات پیش کرتے ہوئے ان کی اچانک موت پر نہایت افسوس کا اظہارکیا تووہیں بھٹکل مسلم ایسوسی ایشن مسقط عمان نے تعزیتی قرار داد پیش کرتے ہوئے ان کے حق میں مغفرت کی دعا کی۔

ایک نظر اس پر بھی

بھٹکل کے قریب شیرور سمندر میں بوٹ ڈوب گئی؛ کئی گھنٹوں تک پتہ نہ چلنے کے بعد دوسری بوٹ کے ذریعے ماہی گیر کنارے پہنچنے میں کامیاب

پڑوسی علاقہ شیرور (ضلع اُڈپی)  سمندر میں  ماہی گیری بوٹ ڈوب جانے سے ماہی گیر بُری طرح سمندر میں پھنس گئے تھے، مگر فوری طور پر دوسری بوٹ ان کی مدد کو پہنچ گئی اور پانچوں ماہی گیروں کو بچاکر کنارے لانے میں کامیاب ہوگئی۔ واردات اتوار شام قریب ساڑھے چار بجے کی ہے۔ 

بھٹکل تعلقہ میں بارش سے پیش آنے والے حادثات کے موقع پر فوری کارروائی کے لئے نوڈل افسران نامزد

سال 2022کےمانسون  بارش کے دوران بھٹکل تعلقہ میں پیش آنے والے سماوی حادثات کے موقع پر فوری توجہ دیتے ہوئے امداد پہنچانے اور تعلقہ کی مکمل نگرانی کی سخت ضرورت  رہتی ہے۔تعلقہ میں موسلادھار یا تیز بارش کی وجہ سے عوام کو ہونے والی مشکلات و پریشانی ، جانی ، مالی ،جانوراور فصل کے ...