گوا میں شیواجی کے مجسمہ کی تنصیب - مقامی لوگوں نے اٹھائے پراپرٹی کے مسائل - ساؤ جوس ڈی ایریئل میں کشیدگی
مڈگاوں 21 / فروری (ایس او نیوز) شیواجی مہاراج کی جئے' اور 'جئے بھوانی' کے نعروں کے درمیان، اتوار کے روز ساو جوس ڈی ایریئل گاؤں میں مراٹھا جنگجو شیواجی مہاراج کا ایک قد آدم مجسمہ نصب کیا گیا، جس کے بعد مقامی لوگوں نے کسی کی املاک (زمین) پر مجسمے کی تنصیب کے لیے کسی اور کی زمین کی صفائی اور راہ ہموار کرنے پر اپنی املاک کے مسائل اٹھائے جس کے بعد علاقے میں کشیدگی پیدا ہوگئی ۔
علاقے میں حالات کشیدہ ہوتے ہی سب ڈویژنل پولیس آفیسر، ڈی وائی ایس پی سنتوش دیسائی کی قیادت میں پولیس فورس کو مڑگاؤ سب ڈویژن سے متحرک کیا گیا تاکہ امن و امان کو درپیش مسئلہ اور خطرہ کو ٹالا جا سکے ۔ ویلم کے ایم ایل اے کروز سلوا کے ساتھ مقامی باشندوں نے جائے وقوع پر جے سی بی مشینری کی موجودگی پر سوال اٹھایا اور پولیس سے جے سی بی کو واپس بھجوانے کو کہا۔
ایریئل علاقے کے نائب سرپنچ ویلنٹ فرنانڈس گاؤں والوں کے ساتھ اس مقام پر موجود تھے کیونکہ ایک ملحقہ املاک سے متعلق قانونی حقوق اور کرایہ داری کے مسائل پیدا ہوئے تھے، جہاں سے مجسمے کو تنصیب کے لیے دوسری املاک میں لے جایا گیا تھا ۔
متعلقہ جائداد کے مالک نے میڈیا کو بتایا کہ اس نے اپنی جائداد میں 100 مربع میٹر کے رقبے پر شیواجی مجسمے کی تنصیب کے لیے این او سی جاری کیا ہے ۔
بجرنگ دل لیڈر ویراج دیسائی کی قیادت میں شیو پریمیوں نے میڈیا کو بتایا کہ انہیں شیواجی مجسمہ کی تنصیب کے لیے 100 مربع میٹر رقبہ استعمال کرنے کے لیے جائداد کے مالک سے این او سی مل گیا ہے ۔ شیو پریمی غیر قانونی کام نہیں کر رہے ہیں ۔ مالک نے مورتی کو اپنی جائداد میں نصب کرنے کی رضامندی دی تھی ۔ مقامی لوگ ملحقہ جائداد کا تنازعہ اٹھا رہے ہیں جس سے ہمیں کوئی سروکار نہیں ہے ۔ انہوں نے کہا کہ: "جائداد میں ایک کراس ہے۔ اگر مقامی لوگ یہاں تہوار منانے کے لیے صاف ستھرا طریقہ استعمال کرتے ہیں تو ہمیں کوئی اعتراض نہیں ہے ۔
یہ دعوی کرتے ہوئے کہ مقامی لوگوں نے شیواجی کے مجسمے کو اس مقام پر آنے سے روکنے کے ایجنڈے کے ساتھ املاک کا مسئلہ اٹھایا ہے ، ویراج نے وارننگ دی کہ اگر مجسمہ کو توڑ پھوڑ یا نقصان پہنچانے کی کوئی کوشش کی گئی تو شیو پریمی بالکل خاموش نہیں رہیں گے ۔