منڈگوڈ کے جنگلات سے صندل لکڑی کی چوری : چار گرفتار ،بی جےپی لیڈر سے بھی پوچھ تاچھ

Source: S.O. News Service | By Abu Aisha | Published on 23rd January 2020, 6:31 PM | ساحلی خبریں |

منڈگوڈ:23؍جنوری(ایس اؤ نیوز)تعلقہ کے کُرلی جنگلات سے دو صندل کے درختوں کو کاٹ کر غیرقانونی سپلائی کرنے  کے الزام میں فاریسٹ افسران نے چار ملزموں کو گرفتار کرتے ہوئے بائک اور صندل لکڑی کو ضبط کرلینےکا واقعہ پیش آیا ہے ۔

تعلقہ کے بالے کوپا دیہات کے وشوناتھ بکنالکر ، سریش گوڈا، دیویندر گوڈا، بیڈسگاؤں دیہات کے ستیش نائک ہی گرفتار شدہ ملزم ہیں۔ گرفتار شدگان سے ایک ٹی وی ایس بائک اور 80500روپئے مالیت کی 23کلوگرام صندل لکڑی ضبط کرلی گئی ہے۔

سرسی کو سپلائی ہوئی صندل لکڑی ؟:تعلقہ کے جنگلات اور گھروں کے سامنے اگائے گئے صندل درختوں کو رات کے اوقات میں  غیر قانونی طورپرکاٹ کر چوروں نے سرسی کے چند افراد کو فروخت کئے جانے کی اطلاعات موصول ہوئی ہیں۔ اس سلسلےمیں فاریسٹ افسران نے ملزموں سے سخت پوچھ تاچھ کرتے ہوئے جانچ کو جاری رکھے ہوئے ہیں ،ذرائع نے خبردی ہےکہ مزید چوری کے معاملات کا پردہ فاش ہوسکتاہے۔

بی جے پی لیڈر سے پوچھ تاچھ ؟:منڈگوڈ کے توگرلی جنگلات سے چوری ہوئی صندل لکڑی سرسی کے نندن نامی فرد نے خریدنےکا الزام عائد کیاگیا ہے۔ اس سلسلےمیں فاریسٹ افسران نندن سے بھی پوچھ تاچھ کرنےکی جانکاری ملی ہے۔ گرفتار شدہ چاروں ملزمان کی طرف سے دی گئی جانکاری کے مطابق سرسی کے نندن ساگر کی پوچھ تاچھ کی جارہی ہے۔ افسران نے ابھی تک نندن کی  گرفتاری کی تصدیق نہیں کی ہے۔ اے سی ایف والی ایس ایم کا کہنا ہےکہ صندل چوروں کی طرف سے دی گئی معلومات کی بنیاد پر نندن ساگر کو تحویل میں لےکر پوچھ تاچھ کی جارہی ہے۔

ایک نظر اس پر بھی

منگلورو تلپاڈی روٹ پر ٹول گیٹ کے پاس نجی بسوں کو روکنے کے خلاف مسافروں کا احتجاج۔ پولیس نے کیا لاٹھی چارج

پرائیویٹ بسوں کے ذریعے منگلورو اور تلپاڈی روٹ پر سفر کرنے والے مسافر اس با ت سے پریشان ہیں کہ ٹول گیٹ پر ٹیکس کی ادائیگی سے بچنے کے لئے بس والے انہیں ٹول پلازہ کے پاس اتار رہے ہیں، جس کی وجہ سے مسافروں کوبقیہ راستہ پیدل طے کرنا ہوتا ہے یا پھر دوسری طرف جاکر سواری کا انتظام کرنا ...

بھٹکل ایس ڈی پی آئی کی جانب سے تحصیلدار دفتر کے سامنے دہلی فسادات کی مذمت میں احتجاج

شہریت ترمیمی قانون کے احتجاج کو لےکر دہلی میں پچھلے تین دنوں سےجاری فسادات کی مذمت  کرتے ہوئے سوشیل ڈیموکرٹیک پارٹی آف انڈیا بھٹکل کے ممبران نے بدھ کی شام تحصیلدار دفترکے سامنے احتجاج کیا۔

بھٹکل نیوشمس اسکول میں آئی سی ایس ای  دسویں کے امتحانات 27فروری سے شروع

27فروری سے آئی سی ایس ای نصاب کے دسویں کے امتحانات شروع ہورہےہیں۔ اترکنڑا ضلع کے دو اسکولوں کا امتحانی مرکز جامعہ آباد روڈ پر واقع نیو شمس اسکول کو بنایاگیا ہے۔ جہاں کل 64طلبا آئی سی ایس ای نصاب کےمطابق دسویں کے امتحانات لکھیں گے۔امتحانات کے پیش نظر تیاریاں پوری ہونےکی اسکول کی ...