گوکرن:06؍نومبر(ایس اؤ نیوز) بس اسٹانڈ کے عقب والی تارمکی کو جانے والی سڑک کنارے غیر قانونی طورپر ذخیرہ کردہ گوا شراب پولس نے ضبط کرتے ہوئے دو ملزموں کو گرفتارکیا ہے۔
ملزموں کی شناخت گنگے کولا کے لکشمی شیشو تانڈیل(57) اور بے بی چندرکانت تانڈیل(55) بتائی گئی ہے۔فی کس 750ایم ایل کی 70بوتلیں، جن کی مالیت قریب 4300روپئے بتائی گئی ہے۔ موصولہ اطلاعات کے مطابق گوا سے شراب لاکر متعلقہ جگہ پر ذخیرہ کی جاتی رہی ہے۔ پی ایس آئی سدھا اگھناشنی کی قیادت میں کارروائی کرتے ہوئے پولس نے ملزموں کو عدالت میں پیش کیا ہے۔