ہوناور کے کاسرکوڈ بیچ کو پھر ایک بار عالمی سطح کی  بلیو فلیگ سند : بین الاقوامی شہرت یافتہ بیچوں کو دی جاتی ہے یہ سند

Source: S.O. News Service | By Abu Aisha | Published on 25th September 2021, 9:08 PM | ساحلی خبریں |

کاروار : 25؍ستمبر(ایس اؤ نیوز) ہوناور تعلقہ کے  کاسرکوڈ بیچ کو دوبارہ بلیو فلیگ کی سند عطا کی گئی ہے تواسی طرح اُڈپی ضلع کے پڈوبیدرے بیچ کو بھی اسی سند سے پھر ایک بار نوازاگیا ہے۔ اس سلسلےمیں مرکزی وزیر برائے ماحولیات بھوپیندر یادو نے ٹویٹ کرتےہوئے جانکاری دی ہے۔ اس طرح کرناٹکا کے 2ساحلی جگہوں کو بین الاقوامی سطح کی تصدیق ملی ہے۔

ڈنمارک کے کوپن ہیگن میں واقع ماحولیاتی تعلیم نامی ادارے کی طرف سے عالمی سطح کے اہل بیچوں کو یہ سند عطا کی جاتی ہے۔ نیلے سمندری کناروں کی صفائی ، سہولیات اور ساحل پر کئے گئے ماحول دوست کاموں کی بنیاد پر ماہرین کی رپورٹ کے تحت بلیو فلیگ کی سند دی جاتی ہے۔

گذشتہ برس کرناٹک کے کاسرکوڈ، پڈوبیدرے سمیت گجرات کے شیوراج پور، ڈیون گھوگلا، کیرلا کے کپاڈ، آندھراپردیش کے رشیکونڈ، اڑیسہ کے گولڈن اور انڈمان جزیرے کے رادھا نگر ساحل کو بلیو فلیگ کی سرٹیفکٹ دی گئی تھی، امسال بھی اس کو جاری رکھاگیا ہے۔

کاسرکوڈ بیچ کو گذشتہ برس جب بلیو فلیگ کا درجہ ملاتو مصدقہ طورپر ڈسمبر میں اس کا افتتاح ہواتھا۔ روزانہ ہزاروں سیاح متعلقہ بیچ کی سیر کرتےہیں۔ لیکن توکتے طوفان کے دوران میں کاسرکوڈ بیچ کو بھاری نقصان پہنچاتھا، ضلع انتظامیہ نے اس کی درستی بھی کی تھی پھر سیلاب کی وجہ سےبیچ کا کٹاؤ ہونے سے نقصان ہواتھا۔ یہاں سمندری کٹاؤ کو روکنا ہی بڑا مسئلہ ہے۔ اس کے باوجود کاسرکوڈ بیچ کو عالمی سطح کے بیچ کی طرح ترقی دی گئی ہے۔ ساحل کا معائنہ کئے بین الاقوامی کمیٹی کے ماہرین نے سند عطاکرنے کی منظوری دی ہے۔

ایک نظر اس پر بھی

بھٹکل کے اعلیٰ افسران کے خلاف ہتک ذات مقدمہ درج ہونے کا معاملہ : سرکاری ملازمین سنگھا کی کڑی مذمت

18اکتوبر کو بھٹکل میونسپالٹی کے دکانوں کی نیلامی میں شریک ہوئے بھٹکل اسسٹنٹ کمشنر، تحصیلدار اور چیف آفیسر کے خلاف بغیر کسی وجہ کے ، غیرقانونی طورپر ہتک ذات کا معاملہ درج کئےجانے کی کرناٹکا ملازمین سنگھ بھٹکل شاخ نے مذمت کی ہے۔

کاروار: طلبا اور روزگار وں کےلئے تعلقہ ، ضلعی ، ریاستی اور قومی سطح کا تقریری مقابلہ : 18سے 29سال کی عمر والے توجہ دیں؛ قومی سطح پر اول آنے پر دولاکھ روپیہ انعام

یوتھ اینڈ اسپورٹس وزارت کے تعاون سے نہرو یوا کیندر کی جانب سے تعلقہ ، ضلع، ریاستی اور قومی سطح پر ہندی اور انگریزی زبانوں میں  تقریری مقابلوں کا انعقاد کئے جانے نہرو یوا کیندر کے ذمہ داروں نے پریس ریلیز کے ذریعے جانکاری دی ہے۔

بھٹکل جماعت اسلامی ہند اور سدبھاؤنا منچ بھٹکل کے اشتراک سے’حضرت محمد  ﷺ مثالی رہنما‘ کے عنوان پر پروگرام کا انعقاد

آخری نبی حضرت محمد ﷺ کی تعلیمات کو ریاستی عوام کے سامنے پیش کرنےکی غرض وغایت لے کر جماعت اسلامی ہند کرناٹکا کی طرف سے 17سے 26اکتوبر تک منائی جارہی ’سیرتؐ مہم ‘ کی مناسبت سے بھٹکل کے دعوت سنٹر میں 26اکتوبر بروزمنگل کو  منعقدہ سیرت پروگرام میں مقررین نے اپنے خیالات کا اظہار ...

بھٹکل ہیبلے گرام پنچایت انتظامیہ پر رشوت خوری کا الزام : خصوصی میٹنگ میں الزام ثابت کرنے کا مطالبہ

تعلقہ کے ہیبلے گرام پنچایت کے چند ممبران نے گرام پنچایت انتظامیہ  پر رشوت خوری کا الزام عائد کئےجانےکو لےکر ہیبلے پنچایت ہال میں پنچایت ممبران کی  خصوصی میٹنگ منعقد ہوئی ۔