ہوناور: کاسرگوڈ ٹونکا میں 200آبی کچوؤں کے بچے؛ ماہی گیروں نے سمندر میں چھوڑتے ہوئے بچانے میں ہوئے کامیاب
ہوناور:5؍ اپریل(ایس اؤ نیوز)زوال کے قریب آلِور ریڈلے نسل کے 200آبی کچوؤں کے بچوں کی حفاظت کرتےہوئے انہیں سمندر میں چھوڑتےہوئے ہوناور کاسرگوڈ ٹونکا کے ماہی گیروں اور مقامی لوگوں نے انسانیت کے ساتھ ماحولیات کے متعلق اپنی بڑی ذمہ داری کو ادا کیا ہے۔
کاسرگوڈ ٹونکا کےقریب جہاں ندی اور سمندر کےملنے والےمقام پر 45دن پہلے آلور ریڈلے نسل کے آبی کچوؤں نے انڈے رکھ کر چلے گئے تھے۔ مقامی نوجوان ماہی گیر اور پنچایت ممبران نے متعلقہ جگہ پر باڑ لگاتے ہوئے اس کو کتوں سے محفوظ کردیا تھا اورروزانہ جائے وقوع پر پہنچ کر انڈوں کی نگرانی بھی کرتے رہے۔
45دنوں کے بعد اتوار کی صبح تین بجے انڈوں سے بچے نکلنے کی خبر پھیلتے ہی سیکڑوں لوگ دیکھنےکے لئے آئے اور آبی کچوؤں کے بچوں کی حفاظت کی۔ اطلاع پاتےہی فاریسٹ عملہ ، کرناٹک حیاتی تنوع بورڈ کے ممبر ڈاکٹر پرکاش میستا ، اترکنڑا ضلع ماہی گیر فیڈریشن کے صدر راجو تانڈیل ، مقامی چرچ کے فادر اور کاروار ساحلی حیاتی سائنس کے ریسرچ اسکالر س سمیت سماجی کارکنان جائے وقوع پہنچے۔ خیال رہےکہ مقامی ماہی گیروں نے اسی مقام کے قریب پرائیویٹ بندرگاہ کی تعمیر کو لےکر احتجاج جاری ہے۔ مقامی نوجوان ماہی گیر ں نے شروع سے انڈوں کی حفاظت کرتےہوئے بچے ہونے کے بعد سمندر میں چھوڑنے تک بہتر کام انجام دینےپر لوگوں نے ستائش کی ہے۔