بھٹکل میں راہ گیر کو ٹکر مارکر سواری فرار؛ راہگیر کی موقع پر موت

Source: S.O. News Service | By Ameen Zuhaib | Published on 23rd February 2021, 7:37 PM | ساحلی خبریں |

بھٹکل 23 فروری (ایس او نیوز) بھٹکل نیشنل ہائی وے پر کاماکشی پٹرول کے قریب ایک راہ گیر کو ٹکر مارکر سواری فرار ہوگئی جس سے راہ گیر کی موقع پر ہی موت واقع ہوگئی۔ مہلوک کی شناخت بھٹکل جالی   دیوی نگر کے رہنے والے سید آصف میراں صاحب (65) کی حیثیت سے کی گئی ہے جن کا تعلق ساگر سے بتایا گیا ہے۔  

بھٹکل پی ایس آئی بھرت نے بتایا کہ   منگل کی اولین ساعتوں میں قریب 3:30 سے  4:30 بجے کے درمیان   یہ حادثہ پیش آیا ہے۔  بھرت نے بتایا کہ  پولس پٹرولنگ کے دوران سڑک پر ان کی نعش پائی گئی جس کے  بعد نعش کو پوسٹ مارٹم کے لئے بھٹکل سرکاری اسپتال منتقل کیا گیا۔

 بتایا گیا ہے کہ  سید آصف سرکل کی طرف  پید ل جارہے تھے کہ  پیچھے سے ایک تیز رفتار سواری انہیں  ٹکر مار کر کنداپور کی طرف فرار ہوگئی۔ بتایا گیا ہے کہ آصف کی موقع پر ہی موت واقع ہوگئی۔پی ایس آئی کے مطابق  دوپہر کو پوسٹ مارٹم کے بعد میت لواحقین کے حوالے کی گئی ہے ۔

بھٹکل ٹاون  پولس تھانہ میں اس تعلق سے معاملہ درج کیا گیا ہے اور پولس  فرار سواری کی تلاش میں ہے۔

ایک نظر اس پر بھی

ملاپورم لوک سبھا ضمنی الیکشن: ڈاکٹر تسلیم احمد رحمانی ایس ڈی پی آئی امیدوار

سوشیل ڈیموکریٹک پارٹی آف انڈیا  (ایس ڈی پی آئی) کے قومی جنرل سکریٹری الیاس محمد تمبے نے ملاپورم میں  منعقدہ ایک پریس کانفرنس میں اعلان کیا کہ ایس ڈی پی آئی قومی سکریٹری ڈاکٹر تسلیم احمد رحمانی ملاپورم لوک سبھا حلقہ سے الیکشن لڑیں گے۔

بھٹکل سے تعلق رکھنے والے ایڈوکیٹ ناگیندرا نائک بن سکتے ہیں ہائی کورٹ جج ۔ سپریم کورٹ کالیجیم نے کی دوسری مرتبہ سفارش

  سپریم کورٹ کالیجیم نے  ہائی کورٹ جج کے عہدے پر نامزدگی کے لئے بھٹکل سے تعلق رکھنے والے معروف ہائی کورٹ وکیل ناگیندرا نائک کے سفارش مرکزی حکومت سے کی ہے۔ اگر یہ سفارش منظور ہوتی ہے تو یہ ایڈوکیٹ ناگیندرا نائک ہائی کورٹ جج بننے والے بھٹکل کے پہلے شخص ہونگے۔

شمالی کینرا کے لوگوں کو اس صورت حال سے کب نجات ملے گی؟- مریضوں کو اسپتال پہنچانے کے لئے بھی سڑک کی سہولت نہیں !

شمالی کینرا کے دوردراز علاقوں میں اب بھی کچھ چھوٹے دیہات ایسے ہیں جہاں پر آنے جانے کے لئے مناسب سڑک اور راستہ موجود نہیں ہے۔ یہاں کے حالات اتنے بد تر ہیں کہ کسی مریض کو ایمرجنسی طور پر اسپتال لے جانا ہوتو موٹر گاڑی یا ایمبولینس کے بارے میں سوچا بھی نہیں جا سکتا۔ بلکہ  ایک بڑے سے ...

منگلورو کے ایک جیولری شاپ میں گاہک کے روپ میں لٹیرا : دکان مالک نے پیچھا کرتےہوئے ملزم کو دبوچ لیا

شہر کی ایک جیولری دکان کو گاہک کے روپ میں داخل ہوا لٹیرا دن دہاڑے زیورات لےکر فرار ہونےکی کوشش کے دوران  دکان مالک نے ہی اس کا پیچھا کرتےہوئے پکڑ کر پولس کے سونپنے کا واقعہ پیش آیا ہے۔

کمٹہ رکن اسمبلی دینکر شیٹی کا سیاسی بیان: "25فیصد ترقیاتی منصوبے الیکشن کے لئے رکھ چھوڑے ہیں" سوشیل میڈیا پر ہورہی ہے مذمت

یہ کوئی ڈھکی چھپی بات نہیں ہے کہ سیاست دان ہر کام میں اپنا مفاد پیش نظر رکھتے ہیں، لیکن اب تو صورت حال یہ ہوگئی ہے کہ اس بات کا کھلے عام اعتراف کرنے میں بھی انہیں شرم نہیں آ رہی ہے۔ اس کی تازہ ترین مثال ہوناور- کمٹہ کے ایم ایل اے دینکر شیٹی کا وہ بیان ہے جس میں انہوں نے ایک عام ...