بھٹکل 17/نومبر (ایس او نیوز) ایڈیشنل ضلع سیشنس کورٹ قائم کرنے کے تعلق سے جائزہ لینے کے لئے ہائی کورٹ اور ضلع ایڈمنسٹریٹیو آفیسر کا عہدہ رکھنے والے جسٹس بی اے پاٹل نے سنیچر کے دن بھٹکل کا دورہ کیا اور یہاں کی عدالت میں موجود بنیادی سہولتوں کا معائنہ کیا۔
اس موقع پر بھٹکل بار ایسوسی ایشن کی طرف سے ان کے اعزاز میں ایک استقبالیہ جلسہ منعقد کیاگیا۔ تہنیت اور اعزاز قبول کرتے ہوئے انہوں نے اپنے خطاب کے دوران کہا کہ عمل اور علم انسان کے لئے بہت ہی اہم ہوتے ہیں۔ اور اس کا بہترین سنگم وکالت کے پیشے میں دیکھاجاسکتا ہے۔سینئر وکیلوں کو چاہیے کہ وہ اپنے عمل اور رویے سے جونیئر وکیلوں کے لئے ایک ماڈل اور مثال ثابت ہوں۔سینئر سول جج جگدیش شیو پوجے، جے ایم ایف سی جج کرشنا راج، ایڈیشنل سول اور جے ایم ایف سی جج ناگیندرا، پبلک پراسکیوٹر اندرا نائک، بھٹکل بار ایسو سی ایشن کے صدر ایڈوکیٹ آر آر شریشٹی، سابق رکن اسمبلی ایڈوکیٹ جے ڈی نائک اور دیگربہت سارے وکیل جلسے میں موجود تھے۔ایڈوکیٹ ایم جے نائک نے استقبال اور کلمات تشکر پیش کیے۔