بھٹکل :12؍جولائی  (ایس اؤ نیوز)شرالی کے الویکوڑی کی شری درگا پرمیشوری ہائی اسکول میں جگدیش چندربوس ایکو کلب کی جانب سے بھارتیہ وکاس ٹرسٹ منی پال اور سنگم سیوا اسوسی ایشن ہوناور کے اشتراک سے جڑی بوٹیوں ، شمسی توانائی اور بارش سے استفادے کے متعلق جانکاری ورکشاپ منعقد کیا۔

سنڈیکیٹ بینک اُڈپی کے موظف مینجر اے ایم راؤ  نے صحت کی حفاظت، غذائی طریقہ کار، جڑی بوٹیوں کی تفصیلات  پروجکٹر کے ذریعے مہیا کی ۔ راگھویندر آچاریہ نے شمسی توانائی (سولار انرجی )کے تعلق سے جانکاری دیں۔ بارکور نیشنل پی یو کالج کے پرنسپال سیتارام شٹی نے بارش سے استفادے کیسے کیا جائے بتایا۔ اسکول کے صدر مدرس کے بی مڈیوال نے پروگرام کی صدارت کی۔ سنگم سیواہوناور ادارے کے صدر رویند رشٹی ڈائس پر موجود تھے۔ سائنس ٹیچر پی کے نائک نے نظامت کی۔