منگلورو:7؍ستمبر(ایس اؤ نیوز)خواتین کی ہمہ جہت ترقی کے پیش نظر ’’ تبدیلی خیالات کے لئے ازسرِ نوغور‘‘ کے عنوان سے 8ستمبر 2019کو منگلورو کے پوربھون میں گرلس اسلامک آرگنائزیشن آف انڈیا کرناٹکا(جی آئی اؤ) کی ریاستی کانفرنس کے انعقاد ہونےکی جی آئی اؤ کی ریاستی صدر عمیرہ بانو نے جانکاری دی۔ وہ یہاں شہر کے پریس کلب میں پریس کانفرنس میں ریاستی کانفرنس کے متعلق جانکاری دے رہی تھیں۔

کانفرنس کی تفصیلی جانکاری دیتےہوئے انہوں نے بتایا کہ جماعت اسلامی ہند کے نائب صدر ایس امین الحسن کانفرنس کا افتتاح کریں گے۔ قومی سکریٹری رحمت النساء ، کرناٹکا کے امیرحلقہ ڈاکٹرمحمد سعد بیلگامی ، ریاستی سکریٹری برائے خواتین امت الرزاق، جی آئی اؤ کیرلا کی ریاستی صدر آفریدہ بانو ، مہاراشٹر کی صدر انشاء بشریٰ ، کرناٹکا کی صدر عمیرہ بانو بطور مہمان خصوصی شریک ہونگے اور شام 5بجے عوامی جلسہ کا انعقاد ہونے کی اطلاع دی۔

جی آئی اؤ کی طرف سے جاری کردہ پریس ریلیز میں کہاگیا ہے کہ کئی ایک اولیت کا سہرہ باندھنے والی  21ویں صدی کی خاتون کیسی ہے کہنا آسان نہیں ہے۔ ٹکنالوجی اور فکری اعتبار سے بڑی ترقی کی منزلیں طئے کرنے والی یہ صدی عورت کو کس حد تک مفید ہے غور کریں کوئی اطمینان بخش جواب نہیں ملتاہے۔ تعلیمی، سیاسی ، روزگار، ملبوسات اور ادبی سطح پر عورت کی ترقی کی شہرت ہے مگر جب اس کی حفاظت اور اس کی  ہمہ جہت ترقی کا سوال سامنے آتاہے تو وہ صرف ایک متاثرہ نظر آتی ہے۔ ایسے کئی سوالات کاچیلنجس کو لےکر ریاست بھرمیں 26اگست سے یکم ستمبر تک ایک ہفتہ منائے جانے کی جانکاری دی۔  پریس کانفرنس میں جی آئی اؤ کی ریاستی صدر عمیرہ بانو، ساجدہ مومن،دکشن کنڑا ضلع کی ناظمہ  عائشہ تبسم ،منگلورو شہر کی ناظمہ مریم زھینہ ، فارورڈ ٹرسٹ منگلورو کی صدر مریم شہیرہ موجود تھیں۔