بھٹکل روٹری کلب کا انڈور اسٹیڈیم بھی قومی شاہراہ کی نذر : یادداشت کے لئے 29مارچ سے شٹل بیڈمنٹن ٹورنامنٹ کا انعقاد
بھٹکل:26؍مارچ (ایس او نیوز)قومی شاہراہ توسیع کام کو لے کر کچھ ہی دنوں میں نکال باہر ہونے والے دوردرشن مرکز سے متصل روٹری کلب کے انڈور اسٹیڈیم میں 29مارچ سے تین دنوں تک شٹل بیڈمنٹن ٹورنامنٹ منعقد کئے جانے کی روٹری کلب کے سکریٹری شری نواس پڈیار نے جانکاری دی ۔
منگل کو رائیل اوک ہوٹل میں پریس کانفرنس کے ذریعے بات کرتے ہوئے انہوں نے بتایا کہ 1998سے پہلے بھٹکل میں کوئی بھی انڈور اسٹیڈیم نہیں تھا۔ کئی امیدوں کے ساتھ ایم اے غنی اور جئے رام کولے کی رہنمائی میں روٹری کلب کی جانب سے بین الاقوامی معیار کے مطابق (ووڈن کورٹ)بیڈمنٹن انڈور اسٹیڈیم کی تعمیر ممکن ہوئی ۔ چونکہ اب قومی شاہراہ کی توسیع جاری ہے اس میں ہمارا روٹری کلب کا یہ کھیل میدان بھی نکال باہر کر دیا جائے گا۔ اسٹیڈیم کی یاد میں 29مارچ سے مقامی کھلاڑیوں کو ، 30مار چ کو اوپن اور 31مارچ کو 45سال سے زائد والوں کے لئے منعقد ہونے والا ٹورنامنٹ ایک بین الاضلاع ٹورنامنٹ ہے۔ شیموگہ، اُڈپی ، منگلورو اور اترکنڑا اضلاع کے کھلاڑی ٹورنامنٹ میں شریک ہونےکی جانکاری دی ۔ ٹورنامنٹ کے سلسلے میں زائد جانکاری کےلئے شری نواس پڈیار9448221423۔سریش اے9448236782۔اشتیاق 9886419511 پر رابطہ کرنے کی اپیل کی۔ ا س موقع پر انہوں نے بتایا کہ مستقبل میں بھٹکل کے تمام عوام کے تعاون سے ایک نیا انڈور اسٹیڈیم تعمیر کرنےکی بات کہی۔ نذیر قاسمجی ، وینکٹ رمن موگیر، سریش، اشتیاق وغیرہ موجود تھے۔