بھٹکل میں نورحلقہ کے زیراہتمام ووٹرآئی ڈی کا فری میگا کیمپ
بھٹکل 4/ مارچ (ایس او نیوز) بھٹکل بندرروڈ الافراح شادی ہال میں آج پیرکو نور حلقہ کے زیر اہتمام ووٹر آئی ڈی کا میگا کیمپ منعقد ہوا۔ جس میں مرد اور خواتین کی کثیر تعداد شریک ہوئیں۔ بھٹکل تحصیلدار کی طرف سے اس کیمپ کے لئے دس بلاک لیول آفسرس اور دو سوپروائررس فراہم کئے گئے ہیں جنہوں نے عوام الناس کو نئے ووٹرآئی ڈی کارڈس بنوانے سمیت پرانے کارڈس میں ردوبدل اور آپڈیٹس کرنے میں مکمل تعاون فراہم کررہے ہیں۔
کیمپ میں قریب 15 کاونٹرس لگائے گئے ہیں اور انجمن کالج کے قریب 35 والنٹیرس بھی اپنی خدمات انجام دے رہے ہیں۔
بھٹکل کا نورحلقہ نوراسپورٹس سینٹر، الایمان اسپورٹس سینٹر، سوپر اسٹار اسوسی ایشن، شاہین اسپورٹس سینٹر ، الہلال اسوسی ایشن اور مون اسٹار اسپورٹس سینٹرپرمشتمل ہے۔ اس کیمپ کو مجلس اصلاح و تنظیم اور بھٹکل مسلم یوتھ فیڈریشن کی حمایت بھی حاصل ہے اور تماموں کے تعاون سے اس کیمپ کا انعقاد کیا گیا ہے۔
کیمپ صبح نو بجے سے جاری ہے، شام 4:30 بجے تک یہ کیمپ چلے گا۔ بھٹکل کے عوام کے لئے ابھی بھی وقت ہے کہ وہ فوری اس کیمپ میں پہنچ کر فائدہ اُٹھائیں۔ پرانے کارڈس کی بھی جانچ کرائیں کہ آیا اُن کے نام ووٹرلسٹ میں ہیں یا کسی وجہ سے خارج ہوگئے ہیں، کیمپ میں پرانے ووٹرآئی ڈی رکھنے والوں کے لئے نیا اسمارٹ کارڈ بنواکر دینے کی سہولت بھی فراہم کی گئی ہے۔