مینگلور یکم اکتوبر (ایس او نیوز) کل 2/اکتوبر کو گاندھی جینتی کے موقع پر مینگلور کے مشہور ومعروف ہیومو پتھی ڈاکٹر تیواری کی کلینک میں مفت میڈیکل اور فزیو تھراپی کیمپ منعقد کیا گیا ہے جس میں عوام الناس شرکت کرکے اپنی بیماریوں کا علاج کراسکتے ہیں۔
ڈاکٹر تیواری نے فون پر اطلاع دیتے ہوئے بتایا کہ مہاتما گاندھی کی 150 ویں جینتی کے موقع پر یہ کیمپ رکھا گیا ہے جس میں ہیومیوپتھی علاج کے ساتھ ساتھ مفت میں فزیو تھراپی بھی کی جائے گی۔ کیمپ کا افتتاح صبح ٹھیک 8:30 بجے ہوگا جس میں مینگلور ساوتھ کے رکن اسمبلی ڈی ویداویاس کامتھ مہمان خصوصی کے طور پر تشریف فرما ہوں گے۔ ان کے ساتھ کنڑا روزنامہ اُودیوانی کے چیف منوہر پرساد، ایم سی سی کے سابق کارپوریٹر لینسلوٹ پینٹو اور ریٹائرڈ پروفیسر ایم رگھویندرا پربھو بھی اعزازی مہمان کے طور پر شرکت کریں گے۔
ڈاکٹر تیواری نے مینگلور کے ساتھ ساتھ بھٹکل اور اطراف کے عوام سے بھی درخواست کی ہے کہ وہ اس فری کیمپ کا بھرپور فائدہ اُٹھائیں۔