بھٹکل:16؍اکتوبر(ایس اؤ نیوز)دھارواڑکے اگیان وکاس تربیتی ادارے میں منگل کو منعقدہ ریجنل رورل آئی ٹی کوئز مقابلے میں بھٹکل کی نیو شمس اسکول کی ٹیم چوتھا مقام حاصل کرنے میں کامیاب ہوگئی ہے، اس بات کی اطلاع ادارے کی طرف سے جاری کردہ پریس ریلیز میں دی گئی ہے۔

دیہی علاقوں کے طلبا کو ترغیب دینے کے لئے ٹی سی ایس ادارے کی جانب سے ہر سال اسکول کی سطح پر ریاستی لیول تک رورل آئی ٹی کوئز کے مقابلے منعقد کئے جاتے رہے ہیں۔ منگل کو دھارواڑ میں ریجنل لیول آئی ٹی مقابلوں کا اہتمام کیاگیا تھا جس میں قریب 255 اسکولی ٹیموں نے شرکت کی تھی ۔ دو مرحلوں میں ہوئے مقابلے میں بھٹکل کی نیو شمس اسکول ٹیم کے صیف سدی احمد اور وقاص قرنی نے ٹاپ 6میں جگہ بنائی اور فائنل میں مقابلہ کرتےہوئے چوتھا مقام حاصل کیا۔