بھٹکل 16/مارچ (ایس او نیوز)   انجمن پی  یو اینڈ ڈگری کالج میں  ملٹی پرپس اسپورٹس کورٹ   Multi purpose Sports court   کا سنیچر کوانجمن کے نو منتخب صدر جناب محمد یونس قاضیا کے ہاتھوں  سنگ بنیاد رکھا گیا، جس کے بعد خطاب کرتے ہوئے موصوف نے بتایا کہ کالج کے بچوں کے لئے  ملٹی پرپس اسپورٹس کورٹ کی ضرورت  کافی مدت سے  محسوس کی جارہی تھی  ، جہاں بچے کبڈی، والی بال، باسکٹ بال وغیرہ کھیل سکیں، آج اُن کی ضرورت کی تکمیل کے لئے سنگ بنیاد رکھا جارہا ہے۔

انجمن پی یو کالج کے پرنسپال جناب  یوسف کولا نے بتایا کہ  اس کورٹ کی تعمیر کے لئے دبئی کے معروف  بزنس مین جناب قاضیا ابراہیم صاحب   فنڈ فراہم کررہے ہیں ۔ اس کورٹ میں   مختلف قسم  کے اسپورٹس کھیلے جاسکیں گے  جس میں     کبڈی، والی بال، فٹ بال، باسکٹ بال ، بیڈ منٹن،  ہینڈ بال، لونگ ٹینس وغیرہ شامل ہیں۔  اس کورٹ میں فلڈ لائٹ کا بھی انتظام رہے گا  جبکہ کورٹ کے اطراف فینسنگ کی جائے گی۔

مختصر سنگ بنیاد تقریب میں  انجمن  نائب صدر ڈاکٹر زُبیر کولا اور  جنرل سکریٹری  اسحاق شاہ بندری ، ڈاکٹر ایس ایم سید سلیم، ایس جے سید ہاشم،   ڈاکٹر عبدالحمید اطہر ندوی سمیت دیگرکئی  عہدیداران ،ارکان انتظامیہ اور کالج اسٹاف  موجود تھے۔