اُڈپی: کورونا لاک ڈاون سے بری طرح مالی پریشانی میں گھرے کبڈی کھلاڑی نے کی خودکشی

Source: S.O. News Service | By I.G. Bhatkali | Published on 10th June 2020, 5:06 PM | ساحلی خبریں |

اُڈپی 10/جون (ایس او نیوز) اپنے وقت کا ایک بہترین کبڈی کھلاڑی  جس نے  حال ہی میں نئی بوٹ خریدی تھی، منگل کی رات کو  اپنی ہی بوٹ پر پھانسی پر لٹکتا ہوا پایا گیا،  جس کے تعلق سے  کہا جارہا ہے کہ مالی حالت سے پریشان ہوکر اس نے   خودکشی کرلی ہے۔ نوجوان کی شناخت  پاونجے گُڈّے کے مکین   بھاگیہ راج  (27) کی حیثیت سے کی گئی ہے۔

بتایا جارہا ہے کہ نوجوان نے حال ہی میں  لون لے کر   ایک نئی بوٹ خریدی  تھی اور اپنے لئے ایک گھر بھی تعمیر کیا تھا، مگر   گذشتہ ڈھائی ماہ سے کورونا لاک ڈاون کی وجہ سے  اس کا  پورا پلان چوپٹ ہوگیا اور منصوبے دھرے کے دھرے رہ گئے۔ مقامی لوگوں کا خیال ہے کہ   بری طرح مالی پریشانی میں پھنسنے کے بعد جب  پریشانی سے باہر نکلنے کی اُسے کوئی راہ دکھائی نہیں دی تو  نوجوان ہمت ہار گیا اور  اپنی ہی بوٹ پر پھانسی پر لٹک کر جان دے دی۔

اطلاع کے مطابق  بھاگیہ راج رات قریب گیارہ بجے اپنے گھر سے نکلا تھا، پھر واپس نہیں پہنچا، آج بدھ صبح اس کی لاش اُس کی ہی بوٹ پر لٹکتی ہوئی پائی گئی۔

کبڈی کے اس کھلاڑی نے کالج میں پڑھائی کے دوران  ریاستی سطح پر بھی  کھیل  میں حصہ لیا تھا۔  وہ ایک مقامی اسپورٹس کلب میں نائب صدر بھی رہ چکا تھا۔

ایک نظر اس پر بھی

کاروار:ایس ایس ایل سی امتحان کے نتائج۔ سرسی کی سنّدھی ہیگڈے نے پایا ریاست میں پہلا رینک

امسال ریاست میں ایس ایس ایل سی کے جو امتحانات ہوئے تھے اس کا سامنا طلبہ نے کووڈ وباء کے پس منظر میں ذہنی تناؤ کے ساتھ کیا تھا۔اس کے بعد کافی دنوں سے طلبہ بڑی بے چینی کے ساتھ اپنے نتائج کا انتظار کررہے تھے۔

یلاپورکے دیہات میں محکمہ جنگلات کے افسران اور عملے کی طرف سے مسلسل ہراسانی کے خلاف بھٹکل میں دیا گیا میمورنڈم

ضلع شمالی کینرا کے یلاپور تعلقہ میں گولاپور نامی دیہاتی علاقے میں رہائش پزیر ایک 70سالہ خاتون اوراس کے خاندان کو محکمہ جنگلات کے افسران اور عملے کی جانب سے مسلسل ہراساں کیے جانے کا الزام لگاتے ہوئے جنگلاتی زمین پر بسنے والے لوگوں کے حقوق کے لیے جدوجہد میں مصروف تنظیم نے وزیر ...