مینگلور 3 مارچ (ایس او نیوز) جیوتی سرکل کے قریب اور مشہور کے ایم سی اسپتال سے متصل واقع بھٹکلی جماعت المسلمین منگلورو کی ملکیت والی ہوسٹل کی عمارت میں نماز کی ادائیگی کے لئے پریئر ہال کا افتتاح جماعت المسلمین بھٹکل کے قاضی مولانا عبدالرب خطیب ندوی کی دعاوں کے ساتھ ہوا۔
ہوسٹل کی اس تین منزلہ عمارت میں مزید ایک منزلہ کا اضافہ کیا گیا ہے، پہلے تھرڈ فلور پر پرئیر ہال تھا، اب چوتھے فلورکاکام مکمل ہونے کے بعد چوتھے فلور پر پریئر ہال کو منتقل کیا گیا ہے اب نہایت کشادہ ہال میں نماز کی ادائیگی ممکن ہوگی۔
مینگلور کی مختلف کالجس میں زیر تعلیم بھٹکل کے قریب 90 بچے ہوسٹل میں رہائش پذیر ہیں، اب چونکہ مزید ایک منزلہ کا اضافہ ہوا ہے، مزید 20/25 طلبہ کو ہوسٹل میں جگہ مل سکتی ہے۔