مسجد حرام : رمضان میں 500 مرد و خواتین رضا کار فوری طبی خدمات پیش کرنے میں مصروف

Source: S.O. News Service | Published on 23rd April 2021, 10:53 PM | خلیجی خبریں |

ریاض،23؍اپریل (ایس او نیوز؍ایجنسی) رمضان مبارک کے دوران میں 500 رضا کار مرد اور خواتین مسجد حرام میں زائرین، معتمرین اور نمازیوں کو اولین طبی خدمات پیش کر رہے ہیں۔ ان خدمات میں فشار خون اور شوگر کی سطح کی پیمائش، تھکن کی عمومی حالت اور سانس لینے میں تکلیف وغیرہ کی حالت شامل ہے۔

مکہ مکرمہ میں ہلالِ احمر کمیٹی کے مطابق کمیٹی کی رضاکار ٹیمیں حرم مکی میں اللہ کے مہمانوں کی دیکھ بھال کے حوالے سے ایک بڑا انسانی کردار ادا کر رہی ہیں۔ اس سلسلے میں ان ٹیموں کے کارکنان کو جدید ترین طبی آلات فراہم کیے گئے ہیں۔

ہلال احمر نے بتایا کہ حرم مکی میں کمیٹی کے زیر انتظام رضا کارانہ خدمات پیش کرنے کے سلسلے میں اندراج کرانے والے مرد اور خواتین رضا کاروں کی تعداد 500 ہو چکی ہے۔ کمیٹی نے جدہ اور مکہ مکرمہ کے مختلف علاقوں سے ان افراد کو مسجد حرام لانے کے لیے ٹرانسپورٹ سروس دی ہے۔

ہلال احمر کمیٹی نے زور دیا ہے کہ وہ رضا کارانہ سرگرمیاں انجام دینے کے خواہش مند تمام تربیت یافتہ افراد سے استفادہ کرنے کی خواہاں ہے۔ کمیٹی ان رضا کاروں کے لیے تربیتی کورسوں کا انتظام بھی کرتی ہے۔

ایک نظر اس پر بھی

محفوظ عمرہ ماڈل کے نفاذ کے بعد 1 کروڑ افراد عمرہ ادا کر چکے ہیں : وزارت حج وعمرہ

سعودی وزارت حج و عمرہ کے اعلان کے مطابق محفوظ عمرہ ماڈل کے نفاذ اور عمرہ، نماز اور زیارت کی بتدریج واپسی کے بعد سے اب تک 1 کروڑ افراد کے لیے عمرے کی ادائیگی کو ممکن بنایا گیا۔ سال 1443 ہجری کے عمرہ سیزن کے آغاز کے ساتھ ہی مختلف ممالک کے لیے جاری عمرہ ویزوں کی تعداد 12 ہزار سے تجاوز کر ...

بھٹکل کمیونٹی جدہ کا سالانہ اجلاس؛ پروگرام میں "مرحوم زاہد رکن الدین ، ایک فرد ایک انجمن " کتاب کا بھی اجراء

بھٹکل مسلم کمیونٹی جدہ کا سالانہ اجلاس جمعرات مورخہ  26 اگست کو  جدہ کے گرین لینڈ  ہوٹل میں منعقد ہوا جس میں  جدہ جماعت سمیت بھٹکل مسلم خلیج کونسل کے سابق صدر مرحوم  سی اے زاہد رکن الدین صاحب کے  تعلق سے موصولہ تعزیتی قرار دادوں  اور تعزیتی خطوط پر مشتمل ایک کتاب "مرحوم زاہد ...