کرونا وائرس: فاصلاتی تعلیم بالمشافہ تدریس کا متبادل نہیں ہوسکتی،ماہرین کا اظہارِخیال

Source: S.O. News Service | Published on 16th June 2020, 9:27 PM | خلیجی خبریں |

دبئی،16/جون (آئی این ایس انڈیا) ’’کرونا وائرس کی وَبا کے دوران میں اختیار کی جانے والی فاصلاتی تعلیم کی تیکنیکیں کبھی ’’بالمشافہ تدریس‘‘ کا متبادل نہیں ہوسکتی ہیں۔‘‘

یہ بات فرانس کے سابق وزیرتعلیم جیک لینگ نے متحدہ عرب امارات کے زیراہتمام تعلیم کے مستقبل کے موضوع پر ایک ورچوئل پینل میں گفتگو کرتے ہوئے کہی ہے۔اس پینل میں کووِڈ-19 کے تناظر میں تعلیم کے لیے چیلنجز اور مواقع پر تبادلہ خیال کیا گیا ہے۔

امارات کی سرکاری خبررساں ایجنسی وام کے مطابق مسٹر لینگ اس پینل کے کلیدی مقرر تھے۔وہ پیرس میں قائم عرب ورلڈ انسٹی ٹیوٹ کے صدر بھی ہیں۔ انھوں نے کہا کہ ’’کرونا وائرس نے ہمیں ان ڈیجیٹل آلات کی اہمیت سے آگاہ کردیا ہے جن سے اساتذہ مدد لے سکتے ہیں لیکن آیندہ دنیا فاصلاتی تدریس کی نہیں ہونی چاہیے۔ڈیجیٹیل ٹیکنالوجی پر مہارت کےباوجود فاصلاتی تعلّم کبھی بالمشافہ تدریس کا متبادل نہیں ہوسکتا۔‘‘

انھوں نے کہا کہ ’’اعلیٰ تعلیم میں بعض آوازیں آیندہ تعلیمی سال کے آغاز سے فاصلاتی تدریس پر زور دے رہی ہیں۔ میں اس بات میں یقین رکھتا ہوں کہ اس طرح کے اقدامات ڈرامائی ہوسکتے ہیں۔‘‘

اس ورچوئل پینل کی صدارت یو اے ای کے وزی خارجہ شیخ عبداللہ بن زاید آل نہیان نے کی ہے۔وہ امارات کی تعلیمی اور انسانی وسائل کونسل کے چئیرمین بھی ہیں۔

واضح رہے کہ یو اے ای کی حکومت نے کرونا وائرس کو پھیلنے سے روکنے،بچوں اور ان کے اساتذہ اس مہلک وائرس کا شکار ہونے سے بچانے کے لیے مارچ کے اوائل میں اسکول بند کردیے تھے۔اس کے بعد سے بچوں کو ان کے گھروں میں فاصلاتی تدریس کے ذریعے تعلیم دی جارہی ہے۔

شیخ عبداللہ نے اپنی گفتگو میں یو اے ای کی اس حکمت عملی کو سراہا اور کہا کہ ’’یہ وائرس پر قابو پانے کے لیے ایک’’عالمی مثال‘‘ ہے۔اس سے امارات کی قیادت کی عوام کے تحفظ اور فلاح وبہبود کو ترجیح اوّل قرار دینے کی بھی عکاسی ہوتی ہے۔‘‘

انھوں نے کہا کہ ’’ یہ ورچوئل اجلاس یو اے ای کی تعلیم کے بارے میں حکمتِ عملی اور کرونا وائرس کے تحت کام کے ایک ’’نئے مرحلے‘‘ کا آغاز ہے۔اس میں اسکولوں کو دوبارہ کھولنے اور کاموں کے دوبارہ آغاز کی حکمت عملی پر غور کیا جارہا ہے‘‘۔

امارات کے وزیرتعلیم حسین ابن ابراہیم الحمادی کے مطابق ملک میں آیندہ تعلیمی سال کا 30 اگست سے آغاز ہوگا لیکن ابھی یہ واضح نہیں کہ نئے تعلیمی سال کے آغاز میں طلبہ اسکولوں میں لوٹ آئیں گے یا فاصلاتی تدریس کے ذریعے انھیں پڑھایا جائے گا یا دونوں طریقے آزمائے جائیں گے۔

ایک نظر اس پر بھی

سعودی عرب نے ہندوستان پر لگائی سفری پابندی

ہندوستان میں کورونا انفیکشن بے قابو ہوتا ہوا نظر آ رہا ہے۔ روزانہ تقریباً ایک لاکھ مریض سامنے آ رہے ہیں اور کورونا مریضوں کی تعداد کے معاملے میں ہندوستان دنیا میں دوسرے نمبر پر ہے۔

بحرین کی اسرائیل سے ڈیل،علاقائی سلامتی کو تقویت ملے گی: شیخ سلمان کی نیتن یاہو سے گفتگو

بحرین کے ولی عہد شیخ سلمان بن حمد آل خلیفہ نے اسرائیلی وزیراعظم بنیامین نیتن یاہو سے ٹیلی فون پر بات چیت کی ہے۔انھوں نے عالمی سلامتی اور امن کو مضبوط بنانے اور امن ، استحکام اور خوش حالی کے فروغ کے لیے مسلسل کوششیں جاری رکھنے کی ضرورت پر زوردیا ہے۔

سعودی عربیہ کے طائف میں کار حادثہ کا شکارایک نوجوان جاں بحق، دوسرا شدید زخمی

یہاں سے قریب  35 کلو میٹر دور گولی ہوڑے کا ایک نوجوان سعودی عربیہ کے طائف میں ہوئے سڑک حادثہ میں جاں بحق ہوگیا جس کی شناخت  افتخار مٹّا (33) کی حیثیت سے کی گئی ہے۔ حادثے میں گنگولی کا رہنے والا ایک شخص جس کی شناخت مالی سرفراز (43) کی حیثیت سے کی گئی ہے شدید زخمی ہوا ہے جسے طائف کے کنگ ...