مہاراشٹرا کا معاملہ ابھی تک نہیں سلجھا؛ پریشان فڑنویس پہنچے آر ایس ایس دفتر، شیوسینا کے تیور ہنوز تلخ

Source: S.O. News Service | Published on 6th November 2019, 5:08 PM | ملکی خبریں | ان خبروں کو پڑھنا مت بھولئے |

ممبئی، 6؍نومبر (ایس او نیوز؍ایجنسی) مہاراشٹر میں شیوسینا کے ساتھ اب تک حکومت تشکیل نہ ہو پانے سے پریشان دیویندر فڑنویس  منگل کی دیر شب آر ایس ایس دفتر جا کر آر موہن بھاگوت سے ملاقات کی۔بتایا جارہا ہے کہ تقریباً ایک گھنٹے تک ان دونوں کے درمیان   بات چیت  ہوئی۔

 میٹنگ کو لے کر آر ایس ایس اور بی جے پی کے ذرائع الگ الگ دعوے کر رہے ہیں۔ آر ایس ایس سے منسلک ذرائع نے بتایا کہ شیوسینا کے ساتھ بات چیت سلجھانے کے لیے دیویندر فڑنویس آر ایس ایس سے مداخلت کرنے کی گزارش کرنے بھاگوت کے پاس گئے تھے۔ شیوسینا بھی چاہتی ہے کہ آر ایس ایس ثالثی کا رول ادا  کرتے ہوئے  دونوں کے درمیان جاری رسہ کشی کو ختم کرے۔ بتایا گیا ہے کہ  اس سلسلے میں شیوسینا نے ایک خط بھی موہن بھاگوت کو گزشتہ دنوں لکھا تھا۔

دوسری طرف بی جے پی ذرائع کا کہنا ہے کہ منگل کو ہوئی کور کمیٹی کی میٹنگ میں حکومت بنانے کا پورا فارمولہ تیار ہو گیا ہے اور دیویندر فڑنویس اس فیصلے کو آر ایس ایس سربراہ کو بتانے اور حکومت تشکیل  دینے کے لیے ان کا آشیرواد لینے گئے تھے۔

جہاں تک شیو سینا کا سوال ہے، وہ لگاتار 50-50 فارمولہ کی بات پر ہی اڑی  ہے اور اس کا کہنا ہے کہ ڈھائی  سال کے لیے وزیر اعلیٰ عہدہ اسے چاہیے، جبکہ  دیویندر فڑنویس ایسا   نہیں چاہتے اور یہی وجہ ہے کہ شیوسینا لگاتار اپنے ترجمان ’سامنا‘ میں نہ صرف بی جے پی کے خلاف لکھ رہی ہے بلکہ بی جے پی کا دامن چھوڑ کر کسی دوسرے راستے سے حکومت سازی کا اشارہ بھی دے رہی ہے۔

ایک نظر اس پر بھی

سبریمالہ مندر معاملہ 7 رکنی بنچ کے حوالے، جج نے کہا ’کیس کا اثر مندر ہی نہیں مسجد پر بھی پڑے گا‘

سپریم کورٹ نے آج ایک انتہائی اہم فیصلہ سناتے ہوئے سبریمالہ مندر میں سبھی عمر کی خواتین کے داخل ہونے سے متعلق نظر ثانی عرضی کو 7 رکنی بنچ کے حوالے کر دیا ہے۔ ساتھ ہی سپریم کورٹ نے فی الحال اس مندر میں خواتین کے داخلے پر روک لگانے سے انکار کر دیا ہے۔

پی ایم مودی، سونیا گاندھی، راہل گاندھی سمیت کئی اہم لیڈروں نے جواہر لال نہرو کو کیا یاد

آزاد ہندوستان کے پہلے وزیر اعظم پنڈت جواہر لال نہرو کا آج یوم پیدائش ہے۔ اس موقع پر کانگریس صدر سونیا گاندھی، سابق وزیر اعظم منموہن سنگھ، سابق صدر جمہوریہ پرنب مکھرجی، سابق نائب صدر حامد انصاری وگیرہ نے شانتی وَن جا کر انھیں عقیدت کا پھول پیش کیا۔

مہاراشٹرا معاملے پر امت شاہ نے توڑی چپی؛ کہا مودی اور میں نے ہمیشہ یہی کہا کہ فڑنویس ہی وزیر اعلیٰ بنیں گے

ایک طرف شیوسینا سربراہ ادھو ٹھاکرے اور پارٹی کے دیگر لیڈران بار بار بی جے پی پر دھوکہ بازی کا الزام لگا رہے ہیں اور کہہ رہے ہیں کہ پہلے ڈھائی ڈھائی سال کے وزیر اعلیٰ بنانے پر بات ہوئی تھی جس سے اب بی جے پی پیچھے ہٹ رہی ہے، دوسری طرف بی جے پی لیڈران ایسے کسی معاہدے سے انکار کر رہے ...

کرناٹکا اسمبلی کے سابق باغی اراکین کی نااہلیت برقرار۔ لیکن انتخاب لڑ نے پر نہیں ہوگی پابندی۔ سپریم کورٹ کا فیصلہ

سابقہ اسمبلی میں جن 17 کانگریس اور جے ڈی ایس اراکین نے بغاوت کی تھی، انہیں سپریم کورٹ سے تھوڑی سے راحت ملی ہے جس کا اثر ریاستی بی جے پی حکومت پر بھی پڑنے والا ہے۔

بھٹکل ڈونگر پلی میں آج رات ہوگا سیرت النبی کا شاندار جلسہ؛ دلچسپ اسلامک کوئیز اور نعتیہ مقابلہ؛ حاضرین کےلئے بھی ریفل ڈراء کے ذریعے ہوگاگولڈ کوئین

آج جمعرات بعد نماز عشاء ڈونگرپلی  ،مون اسٹار اسپورٹس گراونڈ پر  سیرت النبیﷺ کا شاندار جلسہ منعقد کیا گیا ہے جس میں اسلامک کوئیز کا سیمی فائنل اور فائنل  سمیت شاندار پیمانے پر نعتیہ مقابلہ بھی ہوگا۔