بھٹکل مسلم خلیج کونسل وفد کاروار پہنچا؛ ڈپٹی کمشنر اور ایس پی سے ملاقات

Source: S.O. News Service | By I.G. Bhatkali | Published on 21st November 2021, 12:54 AM | ساحلی خبریں |

بھٹکل  20 نومبر (ایس او نیوز)  بھٹکل مسلم خلیج کونسل عرف  رابطہ سوسائٹی بھٹکل کا وفد سنیچر صبح کاروار پہنچا اور ضلع کے ڈپٹی کمشنر ملئے مہیلن اور ایس پی ڈاکٹر  سمن پنیّکر سے ملاقات کی ۔ گلف کونسل کے نو منتخب سکریٹری جنرل جناب عتیق الرحمن مُنیری کی قیادت میں وفد نے  ضلعی انتظامیہ  سے رابطہ سوسائٹی  کا تعارف سمیت ادارہ کی طرف سے انجام دیئے جانے والی مختلف سماجی سرگرمیوں کے تعلق سے آگاہ کرایا، ساتھ ساتھ  بھٹکل کے بعض اہم مسائل کا تذکرہ کرتے ہوئے اسے حل کرنے کی طرف بھی توجہ دلائی، انہوں نے بھٹکل کی ترقی کے لئے اور  مسائل کے حل کے لئے رابطہ سوسائٹی کی طرف سے انتظامیہ کو ہر ممکن تعاون دینے کا بھی یقین دلایا۔

ڈپٹی کمشنر اور ایس پی نے اس موقع پر نہایت مسرت کا اظہار کرتے ہوئے رابطہ اور تنظیم سمیت انڈین نوائط فورم کی خدمات کو سراہا اور کووڈ لاک ڈاؤن کے دوران بھٹکل کے اداروں کی طرف سے انجام دی گئی خدمات پر نہایت مسرت کا اظہار کیا۔ ڈپٹی کمشنر نے بالخصوص بھٹکل میں ویکسی نیشن کے تعلق سے مزید بیداری پیدا کرنے کی طرف زمہ داران کی توجہ مبذول فرمائی۔

وفد  میں جناب  ایس جے سید ہاشم،  عبدالسمیع کولا اور محی الدین رکن الدین  سمیت بھٹکل کے دیگر اداروں کے ذمہ داران قاسمجی پرویز، اور ایس ایم ارشد وغیرہ  موجود تھے۔

ایک نظر اس پر بھی

بھٹکل کے قریب شیرور سمندر میں بوٹ ڈوب گئی؛ کئی گھنٹوں تک پتہ نہ چلنے کے بعد دوسری بوٹ کے ذریعے ماہی گیر کنارے پہنچنے میں کامیاب

پڑوسی علاقہ شیرور (ضلع اُڈپی)  سمندر میں  ماہی گیری بوٹ ڈوب جانے سے ماہی گیر بُری طرح سمندر میں پھنس گئے تھے، مگر فوری طور پر دوسری بوٹ ان کی مدد کو پہنچ گئی اور پانچوں ماہی گیروں کو بچاکر کنارے لانے میں کامیاب ہوگئی۔ واردات اتوار شام قریب ساڑھے چار بجے کی ہے۔ 

بھٹکل تعلقہ میں بارش سے پیش آنے والے حادثات کے موقع پر فوری کارروائی کے لئے نوڈل افسران نامزد

سال 2022کےمانسون  بارش کے دوران بھٹکل تعلقہ میں پیش آنے والے سماوی حادثات کے موقع پر فوری توجہ دیتے ہوئے امداد پہنچانے اور تعلقہ کی مکمل نگرانی کی سخت ضرورت  رہتی ہے۔تعلقہ میں موسلادھار یا تیز بارش کی وجہ سے عوام کو ہونے والی مشکلات و پریشانی ، جانی ، مالی ،جانوراور فصل کے ...