یوپی کے کسانوں کاقرض معاف کر دیں گے:پرینکاگاندھی
لکھنؤ،24؍اکتوبر (آئی این ایس انڈیا) کانگریس کی جنرل سکریٹری پرینکا گاندھی نے ہفتہ کو یوپی کے بارہ بنکی ضلع سے یوپی کانگریس کی ’پرتیگیہ یاترا ‘کا آغاز کیا۔ انہوں نے یوپی کے کسانوں کے قرض معاف کرنے کا وعدہ کیا ہے۔ انہوں نے کہا کہ کورونا دور کے بجلی کے بل بھی معاف کیے جائیں گے۔ پرینکا نے کہا کہ یہ ’پرتیگیہ یاترا ‘ یوپی کے نوجوانوں کے لیے ہمارے نقطہ نظر اور ہدف دکھائے گا۔ اس سے پہلے پرینکا گاندھی نے نوجوانوں کو اسمارٹ فون اور گریجویٹ پاس لڑکیوں کو اسکوٹی دینے کا انتخابی وعدہ بھی کیا ہے-
پرینکا گاندھی نے کہا ہے کہ یو پی اسمبلی انتخابات میں کانگریس خواتین کو 40 فیصد سیٹیں دے گی۔پریانکا گاندھی نے بارہ بنکی کے ہرکھ بازار سے ’پرتیگیہ یاترا‘کو جھنڈی دکھاکر روانہ کیا۔ کانگریس کی جنرل سکریٹری پرینکا گاندھی نے سات وعدوں کا اعلان کیا۔ یہ یاترا بارہ بنکی ، وارانسی اور سہارنپور سے شروع ہوئی ہے۔
کانگریس نے کئے7 وعدے
- ٹکٹوں میں خواتین کا 40 فیصد سیٹ حصہ داری
- لڑکیوں کواسمارٹ فون اور اسکوٹی
- کسانوں کا مکمل قرض معاف
- 2500 میں گیہوں، دھان اور 400 پائے گا گنّا کسان۔
- بجلی کا بل سب کا نصف ، کورونا بحران کا بقایا معاف ۔
- دورکریں گے کورونا کو مار ، خاندان کو دیں گے 25 ہزار ۔
- 20 لاکھ نوجوانوں کو سرکاری ملازمت
پرینکا گاندھی کی سرگرمی گزشتہ چند سالوں میں یوپی میں مسلسل دیکھی جا رہی ہے۔ لکھیم پور کھیری واقعہ میں کسانوں کو کچلنے اور قتل کرنے کے واقعہ کے بعد بھی انہوں نے یوپی کی یوگی آدتیہ ناتھ حکومت پر حملہ کیا تھا۔ انہوں نے لکھیم پور کھیری میں متاثرین کے اہل خانہ سے ملاقات کی اور اس کے لیے دو دن حراست میں بھی گزارے۔